ජර්මනිය සහ යුක්රේනය අතර 2004 වසරෙන් පසු පැවැත්වූ ප්රථම ද්විපාර්ශ්වික රජයේ උපදේශන සාකච්ඡාවලදී යුරෝ බිලියන 4ක දැවැන්ත ආරක්ෂක පැකේජයකට අත්සන් තබා තිබේ. යුක්රේන ජනාධිපති වොලොඩිමියර් සෙලෙන්ස්කි සහ ජර්මානු චාන්සලර් ෆ්රෙඩ්රිච් මර්ස් (Friedrich Merz) අතර බර්ලින් නුවරදී පැවැති මෙම සාකච්ඡාවලදී ගිවිසුම් 10කට වැඩි ප්රමාණයකට එළැඹ ඇති බව වාර්තා වේ. මෙම ගිවිසුම යටතේ පේට්රියට් (Patriot) මිසයිල සිය ගණනක් සැපයීමටත්, ඒකාබද්ධ ඩ්රෝන නිෂ්පාදන කටයුතු ආරම්භ කිරීමටත් දෙරට එකඟ වී ඇත. මීට අමතරව, නවීන අවි පද්ධති සංවර්ධනය කිරීම සඳහා අවශ්ය වන ඩිජිටල් යුධ පිටි දත්ත (digital battlefield data) හුවමාරු කර ගැනීමට ද ආරක්ෂක අමාත්යවරුන් තීරණය කර තිබේ.
