යුධ බිමේ තීරණ ගැනීමේ වේගය ඉහළ නැංවීම සඳහා ජර්මනියෙන් අලුත් පියවරක්: 2028 වන විට සම්පූර්ණයෙන්ම සක්රීය කිරීමට සැලසුම්
ජර්මානු හමුදාව යුධ බිමේ තීරණ ගැනීමේ ක්රියාවලිය වේගවත් කිරීම සඳහා කෘතිම බුද්ධි (AI) මෙවලම් 30ක් ඇගයීමට ලක්කරමින් සිටින බව ජර්මානු සයිබර් බලකා ප්රධානී වයිස් අද්මිරාල් තෝමස් ඩවුම් (Vice Admiral Thomas Daum) ප්රකාශ කළේය. 2027 දෙවන කාර්තුව වන විට මෙහි මූලාකෘතියක් (Prototype) නිර්මාණය කර, 2028 වන විට සම්පූර්ණයෙන්ම හමුදා භාවිතයට එක් කිරීමට ජර්මනිය බලාපොරොත්තු වේ.
යුක්රේන යුද්ධයත් සමඟ ඩ්රෝන සහ චන්ද්රිකා මඟින් විශාල වශයෙන් දත්ත රැස්වන අතර, මිනිස් මනසකට විශ්ලේෂණය කළ නොහැකි තරම් වේගයකින් එම දත්ත සකස් කිරීමට AI තාක්ෂණය අත්යවශ්ය වී තිබේ. මෙහිදී ඇමරිකානු Palantir සමාගමේ Maven පද්ධතිය වෙනුවට ජර්මානු සහ යුරෝපීය (ප්රංශයේ ChapsVision වැනි) සමාගම්වල නිෂ්පාදන කෙරෙහි වැඩි අවධානයක් යොමු කර ඇත්තේ තාක්ෂණික ස්වාධීනත්වය සහ දත්ත ස්වෛරීභාවය සුරැකීමේ අරමුණිනි.
