දිවයින පුරා පාසල් දරුවන්ගේ ක්රීඩා කුසලතා වර්ධනය කිරීම වෙනුවෙන් රුපියල් මිලියන 450ක දැවැන්ත ආයෝජනයක් සිදු කිරීමට රජය පියවර ගෙන තිබේ. තරුණ කටයුතු සහ ක්රීඩා අමාත්ය සුනිල් කුමාර ගමගේ මහතාගේ ප්රධානත්වයෙන් ඊයේ (08) ක්රීඩා සංවර්ධන දෙපාර්තමේන්තුවේදී මෙම ව්යාපෘතිය නිල වශයෙන් ආරම්භ කෙරිණි.
මෙම සම්පූර්ණ ප්රතිපාදන පාසල් ක්රීඩාංගණ නවීකරණයට සහ අවශ්ය ක්රීඩා උපකරණ ලබාදීමට වෙන් කර ඇති අතර, එහි පළමු අදියර යටතේ රුපියල් මිලියන 25ක් වටිනා ක්රීඩා භාණ්ඩ බෙදාදීම මෙහිදී සිදු විය. සංකේතවත් ලෙස දිවයිනේ පාසල් තුනක් සඳහා ක්රිකට්, රග්බි, දැල්පන්දු මෙන්ම මලල ක්රීඩා ඉසව් සඳහා අවශ්ය වන උස පැනීමේ සහ විසි කිරීමේ උපකරණ ඇතුළත් කට්ටල අමාත්යවරයා අතින් පිරිනමන ලදී. පාසල් මට්ටමින් ක්රීඩක ක්රීඩිකාවන් ජාත්යන්තර තලයට ඔසවා තැබීම සඳහා අවශ්ය පහසුකම් සම්පූර්ණ කිරීම මෙම ව්යාපෘතියේ ප්රධාන අරමුණයි.
