ගුරු සේවය මෙරට වැඩිම වැටුප් ලබන වෘත්තීන් 10 අතරට ඇතුළත් කිරීම රජයේ අපේක්ෂාව බව රාජ්ය පරිපාලන, පළාත් සභා සහ පළාත් පාලන අමාත්ය මහාචාර්ය චන්දන අබයරත්න මහතා පවසයි. රජයේ ප්රතිපත්ති ප්රකාශයට අනුව ගුරු සේවයේ පවතින ගැටලු විසඳීම සඳහා පියවරෙන් පියවර වැටුප් වැඩි කිරීමට කටයුතු කරන බව වනාතවිල්ලුව ප්රදේශයේ පැවති උත්සවයකදී අමාත්යවරයා අවධාරණය කළේය.
මෙරට පවතින ගුරු හිඟය පියවීම සඳහා 2021 වසරේ සිට ප්රමාද වී තිබූ ගුරු බඳවා ගැනීම් මේ වසරේදී කඩිනම් කර ඇති අතර ඒ අනුව ගුරුවරුන් දහසකට අධික ප්රමාණයක් බඳවා ගැනීමට අවශ්ය ප්රතිපාදන මේ වන විටත් වෙන් කර තිබේ. ඉදිරි දිනවලදී මේ සඳහා වන තරග විභාග කිසිදු දේශපාලන මැදිහත්වීමකින් තොරව විනිවිදභාවයකින් යුතුව පවත්වන බව ද අමාත්යවරයා ප්රකාශ කළේය.
අධ්යාපන පද්ධතියේ නව වෙනසක් ලෙස විෂය නිර්දේශ සංශෝධනය කරමින් ඉදිරියේදී 09 ශ්රේණියේදී ජාතික මට්ටමේ විභාගයක් පැවැත්වීමට නියමිත අතර එමඟින් දරුවන්ට තමන්ගේ රුචිකත්වය පරිදි ශාස්ත්රීය අධ්යාපනයට හෝ වෘත්තීය අධ්යාපනයට යොමුවීමේ අවස්ථාව උදාවනු ඇත. වර්තමාන විභාග කේන්ද්රීය අධ්යාපනය හේතුවෙන් දරුවන්ට මඟහැරී ඇති පිහිනීම වැනි ජීවිත ආරක්ෂක කුසලතා සහ බාහිර ක්රියාකාරකම් කෙරෙහි ද අවධානය යොමු කරමින් වෘත්තීය පුහුණු ආයතන 50ක් පමණ වැඩිදියුණු කිරීමට රජය සැලසුම් කර තිබේ.
