නුවරඑළිය ග්රෙගරි වැවේ අද (19) දින සංචාරකයින් පිරිසක් රැගත් බෝට්ටුවක් ජෙට් ස්කී (Jet Ski) යානයක ගැටී පෙරළී යාමෙන් බරපතළ අනතුරක් සිදුව තිබේ. අධික වේගයෙන් පැමිණි ජෙට් ස්කී යානය බෝට්ටුවේ ගැටීමෙන් මෙම අනතුර සිදුව ඇති බව වාර්තා වේ.
බෝට්ටුව පෙරළීමත් සමඟ එහි සිටි සංචාරකයින් පිරිස වැවට වැටී ඇති අතර, වහාම ක්රියාත්මක වූ නුවරඑළිය පොලිස් ජීවිතාරක්ෂක ඒකකයේ නිලධාරීන් ඔවුන් සියලු දෙනා නිරුපද්රිතව බේරා ගැනීමට සමත්ව ඇත. මෙම අනතුරෙන් කිසිදු ජීවිත හානියක් සිදුව නොමැති අතර, සුළු තුවාල ලැබූ පිරිසකට අවශ්ය ප්රතිකාර ලබා දී තිබේ.
සිද්ධිය සම්බන්ධයෙන් අදාළ බෝට්ටුවේ පදවන්නා සහ ජෙට් ස්කී යානය පදවාගෙන ආ පුද්ගලයා නුවරඑළිය පොලිසිය විසින් අත්අඩංගුවට ගෙන ඇත. ඔවුන් හෙට (20) දින නුවරඑළිය දිස්ත්රික් අධිකරණය වෙත ඉදිරිපත් කිරීමට නියමිතය. සංචාරක කලාපවල මෙවැනි ජල ක්රීඩා සහ යාත්රා හැසිරවීමේදී පවතින ආරක්ෂිත විධිවිධාන පිළිබඳව බලධාරීන්ගේ දැඩි අවධානය යොමුව තිබේ.
