අධ්යාපන, උසස් අධ්යාපන සහ වෘත්තීය අධ්යාපන අමාත්ය, අග්රාමාත්ය ආචාර්ය හරිනි අමරසූරිය මහත්මියගේ මඟ පෙන්වීම යටතේ, උසස් අධ්යාපනය සඳහා වූ ජාතික ප්රතිපත්ති රාමුවක් සැකසීමේ කටයුතු මේ දිනවල විද්වත් කමිටුවක දායකත්වයෙන් සිදු කෙරේ. මේ සඳහා අධ්යාපන හා උසස් අධ්යාපන ක්ෂේත්ර ආවරණය වන පරිදි විවිධ පාර්ශ්වයන්ගෙන් යෝජනා හා අදහස් ලබා ගැනීමේ සාකච්ඡා වට කිහිපයක් පසුගියදා පැවැත්වුණු අතර, ඊට සමගාමීව මහජන අදහස් විමසීමක් සිදු කිරීමට ද තීරණය කර තිබේ.
ඒ අනුව මේ සඳහා වන යෝජනා හා අදහස් ලබා ගැනීමට අදාළ මාර්ගගත ප්රශ්නාවලියක් (Online Survey) උසස් අධ්යාපන අංශයේ නිල වෙබ් පිටුව වන www.mohe.gov.lk වෙත ඇතුළත් කර ඇත. උනන්දුවක් දක්වන මහජනතාවට https://mohe.gov.lk/survey.html යන සබැඳිය (Link) ඔස්සේ පිවිසීමෙන් මෙම ජාතික ප්රතිපත්ති රාමුව සැකසීම උදෙසා තමන්ගේ වටිනා අදහස් හා යෝජනා ඉදිරිපත් කිරීමට අවස්ථාව හිමි වේ.
