ශ්රී ලංකාවේ ප්රමුඛතම ඒකාබද්ධ මූල්ය සේවා ආයතනයක් වන HNB FINANCE PLC, ශ්රී ලංකා වරලත් වෘත්තීය කළමනාකරුවන්ගේ ආයතනය (CPM ශ්රී ලංකා) විසින් සංවිධානය කළ 2026 වසරේ හොඳම කළමනාකරණ ක්රමවේද සහිත සමාගම් (BMPC) සම්මාන උළෙලේදී සම්මාන ද්විත්වයක් දිනා ගැනීමට සමත් විය. එම ආයතනය පෞද්ගලික අංශයේ මූල්ය හා ලීසිං ක්ෂේත්රයේ ජයග්රාහකයා ලෙස සම්මාන ලැබූ අතර, වසරේ විශිෂ්ටතම සමාගම් 40 අතරට ද ඇතුළත් විය.
මෙම ජයග්රහණය පිළිබඳව අදහස් දක්වමින් HNB FINANCE හි කළමනාකාර අධ්යක්ෂ/ප්රධාන විධායක නිලධාරී චමින්ද ප්රභාත් මහතා පැවසුවේ, සමාගමේ ව්යාපාරික ආකෘතියේ වෙනස්කම් සහ කාර්යක්ෂම කළමනාකරණ ක්රමවේද හරහා අත්කරගත් ප්රගතිය මෙමගින් මනාව තහවුරු වන බවයි. සිය පාර්ශ්වකරුවන්ගේ උන්නතිය වෙනුවෙන් අනාගතයේදී තවදුරටත් වර්ධනය වීමට මෙය මහත් දිරිගැන්වීමක් බව ද ඔහු වැඩිදුරටත් සඳහන් කළේය.
