මාතර සමූපකාර රෝහල් පරිශ්රයේ පැවති විරෝධතාවක් අතරතුර අයුතු ජනරාශියක සාමාජිකයන් වී ප්රහාරයක් එල්ල කිරීමේ සිද්ධියකට සම්බන්ධ සැකපිට, එම රෝහලේ සභාපති ඒ.ඒ.ඩී. අමින්ද මහතා ඇතුළු පුද්ගලයන් පස් දෙනෙකු ලබන මැයි 04 වැනිදා දක්වා රිමාන්ඩ් භාරයේ තබන ලෙස මාතර ප්රධාන මහේස්ත්රාත් චතුර දිසානායක මහතා නියෝග කළේය.
මෙම පිරිස අතර මාකෝප් පෞද්ගලික සමාගමේ සේවකයන් තිදෙනෙකු සහ සේවිකාවක් ද වේ. අත්අඩංගුවට ගත් සැකකරුවන්ගෙන් තිදෙනෙකු හඳුනාගැනීමේ පෙරට්ටුවක් සඳහා ඉදිරිපත් කරන බව පොලීසිය අධිකරණයට වාර්තා කර ඇත.
