හෝර්මුස් සමුද්ර සන්ධිය වාණිජ නැව් සඳහා විවෘත කළ බව ඉරානය නිල වශයෙන් ප්රකාශ කළද, මුහුදු මාර්ග නිරීක්ෂණ දත්ත පෙන්වා දෙන්නේ එම ප්රදේශයේ නැව් ගමනාගමනය තවමත් ඉතා අවම මට්ටමක පවතින බවයි. ඉරාන විදේශ අමාත්ය අබ්බාස් අරග්චි පවසා ඇත්තේ නම් කරන ලද “ආරක්ෂිත මංතීරු” ඔස්සේ යාත්රා කිරීමට අවසර ඇති බවයි. කෙසේ වෙතත්, යුද නැව් සඳහා මෙම මංතීරු තවදුරටත් තහනම් බව ඉරාන හමුදා නිලධාරීන් අවධාරණය කර තිබේ.
මෙම නිවේදනය සම්බන්ධයෙන් ජාත්යන්තර නැව් සමාගම් සහ නාවික ආරක්ෂක උපදේශකයන් පසුවන්නේ දැඩි විමසිල්ලෙනි. මුහුදු බෝම්බ අවදානම තවමත් පවතින බැවින්, මෙම ප්රදේශය හරහා යාත්රා කිරීම “Bleak” හෙවත් අතිශය අවදානම් සහගත බව විශේෂඥයෝ පෙන්වා දෙති. ඇමෙරිකානු ජනාධිපති ඩොනල්ඩ් ට්රම්ප් මෙම පියවර අගය කළද, ඉරාන පාර්ලිමේන්තු කථානායකවරයා පවසා ඇත්තේ ඇමෙරිකානු නාවික අවහිර කිරීම් (Blockade) දිගටම පැවතියහොත් හෝර්මුස් සමුද්ර සන්ධිය විවෘතව තැබිය නොහැකි බවයි. මේ අතර, බ්රිතාන්යය සහ ප්රංශය එක්ව මෙම මුහුදු මාර්ගයේ ආරක්ෂාව වෙනුවෙන් විශේෂ සාමකාමී මෙහෙයුමක් දියත් කිරීමට ද සැලසුම් කරමින් සිටී.
