ජාත්යන්තර ක්රිකට් කවුන්සිලයේ (ICC) සභාපති ජේ ෂා මහතා අද (19) දිවයිනට පැමිණ තිබේ.මෙම කෙටි සංචාරය අතරතුර ඔහු ශ්රී ලංකා ජනාධිපති අනුර කුමාර දිසානායක මහතා හමුවී සාකච්ඡා කිරීමට නියමිත බව වාර්තා වේ. මෙම හමුවේදී ශ්රී ලංකා ක්රිකට් ආයතනයේ (SLC) පවතින අතුරු කමිටුව සම්බන්ධ ගැටලුව ප්රධාන සාකච්ඡා මාතෘකාව වනු ඇතැයි අපේක්ෂා කෙරේ.ශ්රී ලංකා ක්රිකට් ආයතනය පාලනය කිරීම සඳහා ක්රීඩා අමාත්යවරයා විසින් පත් කර ඇති මෙම අතුරු කමිටුව, ජාතික ක්රිකට් පාලක මණ්ඩලවල ක්රියාකාරිත්වය සම්බන්ධයෙන් ICC සතු නීති රීතිවලට පටහැනි බව ICC හි මතය වී තිබේ. එබැවින්, ප්රජාතන්ත්රවාදීව නිලවරණයක් පවත්වා ආයතනය පාලනය කිරීමේ වැදගත්කම පිළිබඳව ICC ශ්රී ලංකා බලධාරීන්ට මීට පෙරද අවධාරණය කර තිබුණි.
මෙම සංචාරය සඳහා ජේ ෂා මහතා අහමදාබාද් සහ කොළඹ අතර ආරම්භ කෙරුණු මංගල සෘජු ගුවන් ගමනින් පැමිණි බවද වැඩිදුරටත් වාර්තා වේ.
