ශ්රී ලංකාවේ ප්රමුඛතම සෞඛ්ය අධ්යාපන ආයතනයක් වන International Institute of Health Sciences (IIHS), සිය 25 වසරක සෞඛ්ය අධ්යාපන ගමන් මඟේ සුවිශේෂී සන්ධිස්ථානයක් සනිටුහන් කරමින්, 2026 උපාධි ප්රදානෝත්සවයේදී සෞඛ්ය වෘත්තිකයන් 650කට අධික පිරිසකට උපාධි හා වෘත්තීය සුදුසුකම් පිරිනැමීය. මෙම උත්සවය පසුගිය ජූනි 24 වැනි දින රාගමදී උත්කර්ෂවත් ලෙස පැවැත්විණි.
එක්සත් රාජධානියේ University of Surreyහි මහාචාර්ය නොෆාර් ගයිෆ්මන් මහතා ප්රධාන ආරාධිතයා ලෙස සහභාගී වූ මෙම උත්සවයේදී, Foundation, Diploma, Advanced Diploma, Bachelor’s සහ Master’s මට්ටමේ වැඩසටහන් සාර්ථකව නිම කළ සිසුන් වෙත උපාධි පිරිනැමිණි. විශේෂයෙන්ම, හෙද, මහජන සෞඛ්ය, දන්ත චිකිත්සාව සහ මුඛ සනීපාරක්ෂාව වැනි ක්ෂේත්රවලින් සිසුන් 227 දෙනෙකු IIHS ආයතනයේ පළමු Professional Bachelor’s උපාධිධාරීන් ලෙස පිදුම් ලැබීම මෙවර උත්සවයේ සුවිශේෂී සිදුවීමක් විය.
පසුගිය වසර 25 තුළ සෞඛ්ය අධ්යාපනය තුළ නවෝත්පාදනයට නායකත්වය ලබා දුන් IIHS, මේ වන විට හෙද හා සෞඛ්ය වෘත්තිකයන් 5,000කට අධික පිරිසක් පුහුණු කර ඇති අතර, ඔවුන්ගෙන් 2,500කට වැඩි පිරිසක් මේ වන විටත් එක්සත් රාජධානිය, ඕස්ට්රේලියාව, නවසීලන්තය, කැනඩාව, ඇමරිකා එක්සත් ජනපදය සහ මැද පෙරදිග වැනි රටවල සෞඛ්ය සේවාවල නිරතව සිටිති.
IIHS සම-නිර්මාතෘ සහ ප්රධාන විධායක නිලධාරී වෛද්ය කිත්සිරි එදිරිසිංහ මහතා සඳහන් කළේ, සිය ආයතනය හුදෙක් අධ්යාපන ආයතනයක් පමණක් නොව, සිසුන්ට ලෝකය ජය ගැනීමට අවශ්ය දැනුම හා ජාත්යන්තර අවස්ථා සපයන “ගෝලීය ගමන් බලපත්රයක්” සහිත වේදිකාවක් බවට පත් වී ඇති බවයි.
