යෝජිත සියඔලාණ්ඩුව සූර්ය විදුලිබල උද්යානය ස්ථාපිත කිරීම කඩිනම් කරමින් එම ව්යාපෘතිය ක්රියාත්මක කිරීමට අදාළ ඉඩම් නිදහස් කර ගැනීමට මෙන්ම , අනවසර වගාකරුවන්ට සිය වගා කටයුතු සඳහා සුදුසු වෙනත් ස්ථාන කඩිනමින් ලබා දීමට අවශ්ය පියවර කඩිනමින් ගත යුතුබව රාජ්ය අමාත්ය දුමින්ද දිසානායක මහතා පවසයි.
රාජ්ය අමාත්යවරයා මේ බව පැවසුවේ ඊයේ ( 03 ) සියඹලාණ්ඩුව ව්යාපෘතිය සම්බන්ධයෙන් පැවැති සාකච්ඡාවේදිය.
මෙම සාකච්ඡාව සූර්ය බල , සුළං හා ජල විදුලිජනන ව්යාපෘති සංවර්ධන රාජ්ය අමාත්ය දුමින්ද දිසානායක මහතා හා වනජීවි රැකවරණය , අලිවැට හා අගල් ඉදිකිරීම ඇතුළු ආරක්ෂිත වැඩපිළිවෙළවල් හා කැළෑ නැවත වගා කිරීම හා වන සම්පත් සංවර්ධන රාජ්ය අමාත්ය විමලවීර දිසානායක මහතා සහ කාබනික පොහොර නිෂ්පාදන , ප්රවර්ධන හා සැපයුම් නියාමන සහ වී හා ධාන්ය, කාබනික ආහාර රාජ්ය අමාත්ය හා මොණරාගල දිස්ත්රික් පාර්ලිමේන්තු මන්ත්රී ශෂීන්ද්ර රාජපක්ෂ යන රාජ්ය අමාත්යවරුන්ගේ ප්රධානත්වයෙන් පැවැත්විණ.
මෙහිදී අදහස් දැක්වු රාජ්ය අමාත්ය දුමින්ද දිසානායක මහතා ” මේ ව්යාපෘතිය හරහා අපි 100 mw ක් නිෂ්පාදනය කර ගන්නවා පමණක් නොවෙයි.ඒ ප්රදේශයේ ඉන්න ජනතාවටත් අපි යම්කිසි සහනයක් දිය යුතුයි . මේ ව්යාපෘතිය හරහා ජාතික විදුලිබල පද්ධතියට විශාල ශක්තියක් වෙනවා. මොකද අපි භාවිත කරන්නේ ඔබතුමාලගේ විදුලිය නිසා ඔබතුමන්ලටත් යම් කිසි සහනයක් ලබා දීමට කටයුතු කරනවා. මේ සහයෝගය ලබා දීපු විදිහටම ඉදිරියේ දීත් අපට ඔබතුමන්ලා සහයෝගය දේවී කියල බලාපොරොත්තු වෙනවා. “
