පවතින ගෝලීය අභියෝග සහ බාහිර කම්පන කළමනාකරණය කිරීම සරල ක්රියාවලියක් නොවන නමුත්, ශ්රී ලංකාව ඒ සඳහා ඉතා ශක්තිමත්ව මුහුණ දෙමින් සිටින බව ජාත්යන්තර මූල්ය අරමුදලේ (IMF) ශ්රී ලංකා මෙහෙයුම් ප්රධානී එවන් පැපජෝර්ජියෝ මහතා ප්රකාශ කරයි. අතීතයට සාපේක්ෂව ශ්රී ලංකාව තුළ වර්තමානයේ ක්රියාත්මක වන ප්රතිපත්ති රාමුව සැලකිය යුතු ලෙස ශක්තිමත් වී ඇති බව ද හෙතෙම පෙන්වා දෙයි.
මේ අතර ශ්රී ලංකාවේ ප්රතිසංස්කරණ වැඩසටහනේ ප්රගතිය සැලකිල්ලට ගනිමින්, විස්තීර්ණ ණය පහසුකම (EFF) යටතේ වන 5 වන සහ 6 වන සමාලෝචන (5th and 6th Reviews) ලබන මැයි 27 වනදා සලකා බැලීමට ජාත්යන්තර මූල්ය අරමුදලේ විධායක මණ්ඩලය කටයුතු සූදානම් කර ඇති බව ද නිල වශයෙන් නිවේදනය කර තිබේ.
පසුගිය වසර කිහිපය තුළ ශ්රී ලංකාව සාර්ව ආර්ථික ස්ථායිතාව (Macroeconomic Stability) යථා තත්ත්වයට පත් කිරීමේදී සැලකිය යුතු ප්රගතියක් අත්කරගෙන ඇති බව ජාත්යන්තර මූල්ය අරමුදල පවසයි. විශේෂයෙන්ම විදේශ විනිමය සංචිත යළි ගොඩනැගීමේදී සහ මූල්ය වෙළෙඳපොළ තුළ විශ්වාසය ශක්තිමත් කිරීමේදී ලංකාව ලබා ඇති ප්රගතිය මහජනතාව සහ ආයෝජකයින් විසින් ද පිළිගෙන ඇති අතර, එය ආර්ථිකය ස්ථිර පදනමක් මත ශක්තිමත් කිරීමට බෙහෙවින් උපකාරී වී ඇත.
මෑතකාලීන ගෝලීය දේශපාලන හා ආර්ථික වර්ධනයන් හේතුවෙන් ලොව පුරා බොහෝ ආර්ථිකයන් දැඩි පීඩනයකට ලක්ව ඇති පසුබිමක, ශ්රී ලංකාව අඛණ්ඩ ප්රතිපත්ති මාර්ගයක් පවත්වාගැනීම සහ වෙනස්වන තත්ත්වයන්ට අනුවර්තනය වීම හේතුවෙන් මෙතෙක් ලබාගත් ජයග්රහණ සුරක්ෂිත කරගැනීමට සමත්ව ඇති බව ජාත්යන්තර මූල්ය අරමුදල අවධාරණය කරයි. ඉදිරි ප්රතිසංස්කරණ න්යාය පත්රය සාර්ථක කරගැනීම වෙනුවෙන් ශ්රී ලංකා බලධාරීන් සමඟ අඛණ්ඩව සමීප සබඳතාවක් පවත්වාගෙන යාමට බලාපොරොත්තු වන බව ද එවන් පැපජෝර්ජියෝ මහතා වැඩිදුරටත් සඳහන් කළේය.
