හෝමුස් සමුද්ර සන්ධිය අවහිර කිරීමට හෝ එහි නාවික ගමනාගමනයට බාධා කිරීමට ලෝකයේ කිසිදු රටකට නීතිමය අයිතියක් නොමැති බව ජාත්යන්තර සමුද්රීය සංවිධානයේ (IMO) ප්රධානියා අවධාරණය කර තිබේ. ඉරාන ඉන්ටර්නැෂනල් (Iran Intl) පුවත් සේවය වාර්තා කරන පරිදි, ඔහු මෙම ප්රකාශය සිදුකර ඇත්තේ වත්මන් මැදපෙරදිග අර්බුදය හමුවේ හෝමුස් සමුද්ර සන්ධියේ නාවික ගමනාගමනය අඩාල වීම පිළිබඳව අදහස් දක්වමිනි.
මෙහි ඇති විශේෂත්වය වන්නේ ඔහු සිය ප්රකාශය තුළ ඇමෙරිකාව හෝ ඉරානය යන රටවල් දෙකෙහිම නම් සඳහන් නොකිරීමයි. කෙසේ වෙතත්, වත්මන් තත්ත්වය යටතේ ඉරානය සිය දේශසීමා ආරක්ෂාව පවසමින් සහ ඇමෙරිකාව ඉරානයට එරෙහි සම්බාධක පවසමින් සමුද්ර සන්ධියට විවිධ මට්ටමේ බලපෑම් එල්ල කරමින් සිටින පසුබිමක, මෙම ප්රකාශය එම රටවල් දෙකටම එල්ල වූ වක්ර අනතුරු ඇඟවීමක් ලෙස විචාරකයෝ සලකති.
ලෝක බලශක්ති සැපයුමෙන් සැලකිය යුතු ප්රමාණයක් ගමන් කරන මෙම තීරණාත්මක මුහුදු මාර්ගයේ නිදහස සහ ආරක්ෂාව සහතික කිරීම ජාත්යන්තර නීතියට අනුව අත්යවශ්ය කරුණක් බව IMO ප්රධානියා වැඩිදුරටත් පෙන්වා දී ඇත. මෙම ප්රකාශයත් සමඟ හෝමුස් සමුද්ර සන්ධියේ පවතින නාවික අවහිරතාවය සම්බන්ධයෙන් වන ජාත්යන්තර නීතිමය සංවාදය යළිත් කරළියට පැමිණ තිබේ.
තොරතුරු උපුටා ගැනීම: Iran Intl ඇසුරින්
