ඉන්දීය රජයේ රුපියල් මිලියන 600ක ප්රදානයක් යටතේ මුලතීවු දිස්ත්රික් මහ රෝහලේ සිව්මහල් වෛද්ය වාට්ටු සංකීර්ණයක් ඉදිකිරීමේ කටයුතු නිල වශයෙන් ආරම්භ කර තිබේ. ඉන්දීය උප ජනාධිපති ශ්රී සී.පී. රාධාක්රිෂ්ණන් මහතාගේ පසුගිය ශ්රී ලංකා සංචාරය අතරතුර අත්සන් තැබූ අවබෝධතා ගිවිසුමකට අනුව මෙම ව්යාපෘතිය ක්රියාත්මක වේ.
නවීන පහසුකම්වලින් සමන්විත මෙම වාට්ටු සංකීර්ණය ලිෆ්ට්, වායුසමීකරණ පද්ධති, ගිනි ආරක්ෂණ පද්ධති සහ පයිප්ප මගින් වෛද්ය වායූන් සැපයීමේ පහසුකම් ඇතුළු යටිතල පහසුකම් රැසකින් සමන්විත වනු ඇත. බෝ නොවන රෝග හේතුවෙන් සිදුවන අකල් මරණ අවම කිරීම සහ රෝගීන්ට අවශ්ය ප්රතිකාර එම දිස්ත්රික්කය තුළදීම ලබාදීම මෙහි ප්රධාන අරමුණයි. මෙම ව්යාපෘතිය නිමවීමෙන් පසු රෝහලේ රෝගීන් රඳවා ගැනීමේ ධාරිතාව 150% කට වඩා වැඩි වනු ඇතැයි අපේක්ෂා කෙරේ. මෙය ඉන්දීය රජය විසින් ශ්රී ලංකාවේ දිස්ත්රික්ක 25 පුරා ක්රියාත්මක කරනු ලබන ‘ඉහළ බලපෑමක් සහිත ප්රජා සංවර්ධන ව්යාපෘති’ (HICDP) මාලාවේ තවත් එක් පියවරකි.
