ඕස්ට්රේලියාවේ ඉලවරා (Illawarra) ප්රදේශයේ නිවසකට බලහත්කාරයෙන් ඇතුළු වී 25 හැවිරිදි තරුණයෙකුට ගිනි තබා බරපතල තුවාල සිදු කිරීමේ සිද්ධියක් සම්බන්ධයෙන් 32 හැවිරිදි පුද්ගලයෙකු අත්අඩංගුවට ගෙන තිබේ. මෙම බහිෂ්කාර ක්රියාව ඊයේ (මැයි 11) රාත්රී 9:00ට පමණ වොරවොන්ග් (Warrawong) හි ටොඩ් වීදියේ පිහිටි නිවාස සංකීර්ණයකදී සිදුව ඇත.
සැකකරු අදාළ නිවසට කඩා වැදී තරුණයාට ගිනි තබා ඇති අතර පසුව ඔහු එම ස්ථානයෙන් පලා ගොස් තිබේ. බරපතල පිළිස්සුම් තුවාල ලැබූ තරුණයාට ප්රදේශවාසීන් සහ ගිලන් රථ සේවකයින් විසින් මූලික ප්රතිකාර ලබා දීමෙන් අනතුරුව ගුවන් මගින් රෝයල් නෝර්ත් ෂෝ රෝහල වෙත ඇතුළත් කරන ලදී. ඔහුගේ තත්ත්වය බරපතල වුවද දැනට ස්ථාවර මට්ටමක පවතින බව රෝහල් ආරංචි මාර්ග පවසයි.
පොලිසිය විසින් සිදු කරන ලද දීර්ඝ විමර්ශනයකින් පසුව අද (මැයි 12) පස්වරු 3:15ට පමණ ඇල්බියන් පාර්ක් (Albion Park) ප්රදේශයේදී සැකකරු අත්අඩංගුවට ගෙන ඇත. ලේක් ඉලවරා පොලිස් ස්ථානය වෙත රැගෙන ගිය ඔහුගෙන් මේ වන විට ප්රශ්න කිරීම් ආරම්භ කර තිබේ.
