ඉන්දියාවේ සමස්ත විදුලි නිෂ්පාදනය තුළ ගල් අඟුරු බලශක්ති ප්රතිශතය ජූලි මාසයේදී පසුගිය වසරක කාලය තුළ වාර්තා වූ අඩුම මට්ටම දක්වා පහته වැටී ඇති බව රජයේ දත්ත උපුටා දක්වමින් විදෙස් ජනමාධ්ය වාර්තා කරනවා.ඒ සඳහා ප්රධාන වශයෙන් බලපා ඇත්තේ එම මාසය තුළ පුනර්ජනනීය බලශක්ති නිෂ්පාදනය වාර්තාගත ලෙස ඉහළ යාමයි. ලැබී ඇති දත්තවලට අනුව, ඉන්දියාවේ සමස්ත විදුලි නිෂ්පාදනයෙන් සියයට 20 ක් ම පුනර්ජනනීය බලශක්තියෙන් ලබාගෙන ඇති අතර, එය ජූලි මාසයේදී කිලෝවොට් පැය බිලියන 36.25 ක් ලෙස සටහන් විය. එය පසුගිය වසරේ සමාන කාලපරිච්ඡේදයට වඩා සියයට 30 ක වර්ධනයකි. ‘ග්රිඩ්-ඉන්දියා’ නියාමන ආයතනයේ දෛනික දත්ත පදනම් කරගනිමින් රොයිටර් පුවත් සේවය කළ ගණනය කිරීම්වලට අනුව, ජූනි මාසයේදී සියයට 69 ක් ලෙස පැවති ගල් අඟුරු විදුලි නිෂ්පාදන ප්රතිශතය ජූලි මාසයේදී සියයට 65.7 දක්වා පහත වැටී තිබේ.ඉන්දියාවේ පිරිසිදු බලශක්ති නිෂ්පාදනයේ මෙම වර්ධනයට සූර්ය සහ පවන් බලශක්ති නිෂ්පාදනය ප්රධාන වශයෙන් දායක වී ඇති අතර, ජූලි 13 වන දින සූර්ය සහ පවන් බලශක්ති ධාරිතාව ප්රථම වතාවට ගිගාවොට් 100 සීමාව ඉක්මවා ගියේය. කෙසේ වෙතත්, ප්රබල ‘එල් නිනෝ’ (El Nino) කාලගුණික තත්ත්වය නිසා ඇති වූ දැඩි රශ්මිය හේතුවෙන් රාත්රී කාලයේදී විදුලි පංකා සහ වායුසමීකරණ සඳහා වන ඉල්ලුම ඉහළ යාම සහ ජලවිදුලි නිෂ්පාදනය පහත වැටීම නිසා ගල් අඟුරු ඇසුරින් සිදුකළ සමස්ත විදුලි නිෂ්පාදනය පසුගිය වසරට සාපේක්ෂව සියයට 12.8 කින් ඉහළ ගොස් කිලෝවොට් පැය බිලියන 119.40 ක් ලෙස සටහන් වී තිබීමද විශේෂත්වයකි.
