ඉදිරි ජූනි මාසයේ සිට ක්රියාත්මක වීමට නියමිත නව රෙගුලාසි හේතුවෙන් ඉන්දියාව දරුණු සෞරග්රහ කෝෂ හිඟයකට මුහුණ දීමේ අවදානමක් පවතින බව එරට කර්මාන්ත සංගමයක් වන උතුරු ඉන්දියානු මොඩියුල නිෂ්පාදකයින්ගේ සංගමය (NIMMA) අනතුරු අඟවයි. නව නීති මගින් සෞරග්රහ බලශක්ති ව්යාපෘති සඳහා දේශීයව නිෂ්පාදිත සෞරග්රහ කෝෂ පමණක් භාවිතා කිරීම අනිවාර්ය කර ඇති අතර, මෙම පියවර හේතුවෙන් දැනට ක්රියාත්මක වන පිරිසිදු බලශක්ති ව්යාපෘති රැසක් අතරමග නතර වීමේ තර්ජනයක් මතුව ඇති බව ඔවුන් පෙන්වා දෙයි.
NIMMA විසින් පුනර්ජනනීය බලශක්ති අමාත්යාංශය වෙත යොමු කරන ලද ලිපියකට අනුව, ඉන්දියාවේ වාර්ෂික සෞරග්රහ කෝෂ ඉල්ලුම ගිගාවොට් 50ක් (50 GW) පමණ වන නමුත් එරට වත්මන් දේශීය නිෂ්පාදන ධාරිතාව පවතින්නේ ගිගාවොට් 25.6ක් වැනි මට්ටමකය. දැනට ඉන්දියාවේ සෞරග්රහ කෝෂ අවශ්යතාවයෙන් සියයට 90කට වඩා වැඩි ප්රමාණයක් සපුරා ගනු ලබන්නේ චීනයෙන් සිදුකරන ආනයන මගිනි. දේශීය නිෂ්පාදන ධාරිතාව ඉල්ලුමට සරිලන ලෙස වර්ධනය වන තෙක් මෙම නව නීති ක්රියාත්මක කිරීම ප්රමාද කරන ලෙස කර්මාන්තකරුවන් රජයෙන් ඉල්ලා සිටියි.
