ඇල්ල සිට මිරිස්ස බලා ධාවනය වූ බස් රථයක ගමන් කළ ඉන්දියානු ජාතිකයින් දෙදෙනෙකුගේ රුපියල් ලක්ෂ 10කට ආසන්න වටිනා භාණ්ඩ සහිත බෑගයක් සොරකම් කළ 24 හැවිරිදි තරුණයෙකු කුඩාඔය පොලිසිය විසින් ඊයේ (21) අත්අඩංගුවට ගෙන තිබේ. සැකකරු අවිස්සාවේල්ල, හේවාඉන්න ප්රදේශයේ පදිංචිකරුවෙකි.
සංචාරකයින් දෙදෙනා කුඩාඔය ප්රදේශයේ අවන්හලකින් තේ පානය කිරීමට බස් රථයෙන් බැස ගිය අවස්ථාවේදී, ඔවුන්ගේ අසුන මත තිබූ බෑගය සොරකම් කර ඇති සැකකරු වහාම එම බස් රථයෙන් බැස වෙනත් බස් රථයක නැගී පලා ගොස් ඇත. සිද්ධිය සම්බන්ධයෙන් ලද පැමිණිල්ලකට අනුව වහාම ක්රියාත්මක වූ පොලිසිය, බස් රථයේ CCTV දර්ශන පරීක්ෂා කර සැකකරු හඳුනාගෙන තිබේ.
අනතුරුව පොලිසියට ලැබුණු තොරතුරකට අනුව, මහනුවර සිට කතරගම බලා ධාවනය වූ බස් රථයක ගමන් කරමින් සිටියදී කුඩාඔය ප්රදේශයේදී සැකකරු අත්අඩංගුවට ගෙන ඇත. ඒ වන විටත් ඔහු සන්තකයේ තිබී සොරකම් කරන ලද ලැප්ටොප් පරිගණක දෙකක් සහ අයිපෑඩ් (iPad) එකක් ඇතුළු වටිනා භාණ්ඩ සොයා ගැනීමට පොලිසිය සමත්ව තිබේ.
