එළඹෙන 2029 ජනාධිපතිවරණයේදී නාමල් රාජපක්ෂ මහතා මෙරට ජනාධිපතිවරයා ලෙස පත්වීම වැළැක්වීමට කිසිදු බලවේගයකට නොහැකි බව හිටපු රාජ්ය අමාත්ය ඉන්දික අනුරුද්ධ මහතා අවධාරණය කරයි. ඔහු පෙන්වා දෙන්නේ දේශපාලන පළිගැනීම් හෝ අධිකරණ ක්රියාමාර්ග මගින් මෙම ගමන නතර කළ නොහැකි බවයි. නාමල් රාජපක්ෂ මහතා ඉලක්ක කරගනිමින් නඩු දහසක් ගොනු කළද, ජනතා කැමැත්ත හමුවේ ඒ සියල්ල පරාජය කරමින් ඔහු මෙරට මීළඟ නායකයා ලෙස අභිෂේක ගැන්වීම ස්ථිර බව හිටපු රාජ්ය අමාත්යවරයා වැඩිදුරටත් විශ්වාසය පළ කරයි.
ගම්පහ දිස්ත්රික්කයේ පැවති දේශපාලන හමුවකදී අදහස් දක්වමින් ඔහු සඳහන් කළේ පවතින දේශපාලන අභියෝග හමුවේ වුවද ශ්රී ලංකා පොදුජන පෙරමුණේ ශක්තිය සහ නාමල් රාජපක්ෂ මහතා කෙරෙහි පවතින තරුණ ආකර්ෂණය ඉදිරි මැතිවරණයේදී තීරණාත්මක සාධකයක් වනු ඇති බවයි. වර්තමාන දේශපාලන වටපිටාව තුළ එල්ල වන විවිධ චෝදනා හුදෙක් දේශපාලන උපාය මාර්ග පමණක් බවත්, බිම් මට්ටමේ ජනතාව තවමත් රාජපක්ෂ දේශපාලන ප්රවාහය සමඟ සිටින බවත් ඔහු මෙහිදී පෙන්වා දුන්නේය.
