ශ්රී ලංකා – චීන සමාජයීය සහ සංස්කෘතික සහයෝගිතා සංගමයේ (ASLCSCC) සභාපති ඉන්ද්රානන්ද අබේසේකර මහතා, විදේශ රටවල් සමඟ මිත්රත්වය සඳහා වූ යුන්නාන් මහජන සංගමයේ (YNPAFFC) පළමු කවුන්සිලයේ ගෞරවනීය සාමාජිකයෙකු ලෙස පත් කර තිබේ.
මෙම ගෞරවනීය සාමාජිකත්වය ජූලි 12 වන දින චීනයේ කුන්මින් (Kunming) නුවරදී නිල වශයෙන් ප්රදානය කෙරිණි. එහිදී යුන්නාන් මහජන සංගමයේ මහලේකම් කැඕ ෂිචින් මහතා විසින් අබේසේකර මහතා වෙත ගෞරවනීය සහතිකය සහ එම සංගමයේ කීර්තිමත් රන් පදක්කම පිරිනමන ලදී. විදේශීය ජාතිකයෙකු මෙම උසස් කවුන්සිල තනතුර සඳහා තෝරා පත් කරගත් ඉතිහාසයේ ප්රථම අවස්ථාව මෙය බව කැඕ ෂිචින් මහතා අවධාරණය කළේය.
1987 වසරේ සිදු කළ සිය ප්රථම සංචාරයේ සිට චීනයේ යුන්නාන් ප්රාන්තය සමඟ සමීප සබඳතා පවත්වාගෙන යන අබේසේකර මහතා, මේ වන විට එම ප්රාන්තයේ විසි වතාවකට අධික වාර ගණනක් සංචාරය කරමින් දෙරට අතර මිත්රත්වය වර්ධනය කිරීමට සුවිශේෂී දායකත්වයක් ලබා දී ඇත.
