රාජ්ය සතු තෙල් බැරල් මිලියන 20ක් ඉරාන විප්ලවීය ආරක්ෂක බලකායේ (IRGC) ගුවන් අභ්යවකාශ බලකාය වෙත වෙන් කිරීම සම්බන්ධයෙන් එල්ල වන දැඩි විවේචන හමුවේ, ඉරාන ජනාධිපති මසූද් පෙසෙෂ්කියන් (Masoud Pezeshkian) සිය තීරණය සාධාරණීකරණය කරමින් වඩාත් දැඩි ස්ථාවරයකට පැමිණ තිබේ.
යුද්ධය ආරම්භ වීමට පෙර සිටම දැඩි ආර්ථික පීඩනයකට ලක්ව සිටි ඉරානයේ වාර්ෂික උද්ධමන අනුපාතය මේ වන විට 88.6%ක් තරම් ඉහළ මට්ටමකට පැමිණ ඇති අතර, මෙවැනි පසුබිමක රටට අත්යවශ්ය විදේශ විනිමය උපයා ගැනීම සඳහා අපනයනය කළ හැකිව තිබූ තෙල් මෙලෙස මිලිටරියට ලබා දීම පිළිබඳව දේශපාලන විචාරකයන්ගේ දැඩි දෝෂදර්ශනයට ජනාධිපතිවරයා ලක්විය. කෙසේ වෙතත්, අවශ්ය වුවහොත් මිලිටරිය වෙනුවෙන් තෙල් බැරල් මිලියන 100ක් වුවද වෙන් කිරීමට තමන් සූදානම් බවත්, මෙම තීරණය පිළිබඳව තමන් “ආඩම්බර වන” බවත් ජනාධිපතිවරයා ප්රකාශ කළේය.
රජයේ ප්රධානතම ප්රමුඛතාවය වන්නේ “ජනතාව සහ මිලිටරිය” බවත්, සන්නද්ධ බලකායන්ට සහයෝගය දැක්වීම තම පැහැර හැරිය නොහැකි වගකීමක් බවත් පෙසෙෂ්කියන් අවධාරණය කරයි. මරණය යනු “ගෞරවයක්” වන යුද පෙරමුණේ (Front line) ඕනෑම අවස්ථාවක පෙනී සිටීමට තමන් සූදානම් බව ද ඉරාන ජනාධිපතිවරයා වැඩිදුරටත් කියා සිටියේය.
