හෝමූස් සමුද්ර සන්ධිය විවෘත කිරීම සම්බන්ධයෙන් තමන් ඇමෙරිකාව සමඟ කිසිදු සාකච්ඡාවක් නොපවත්වන බවත්, ඒ පිළිබඳව සාකච්ඡා කරන්නේ ඕමානය සමඟ පමණක් බවත් ඉරාන නායකත්වය පවසනවා. ඇමෙරිකානු ජනාධිපති ඩොනල්ඩ් ට්රම්ප් සමඟ මේ සම්බන්ධයෙන් සාකච්ඡා කිරීමෙන් පළක් නැති බවයි ඉරානය අවධාරଣ කරන්නේ.ඇමෙරිකානු ප්රහාරවලට විරෝධය පළ කරමින් ඉරානය විසින් ඕමානය සහ ඉරානය මැද පිහිටි හෝමූස් සමුද්ර සන්ධිය මේ වන විට වසා දමා ඇති අතර, මිලිටරි හමුදා සහ නාවික බලඇණි යොදවමින් මෙන්ම බෝම්බ අතුරමින් එම මාර්ගය දැඩි ලෙස අවහිර කර ඇත. මෙම සමුද්ර සන්ධිය හරහා වෙළෙඳ නැව්වලට ගමන් කිරීමට අවසර ලබා දීම සඳහා මුදලක් අය කර ගැනීමට ඉරාන පාර්ලිමේන්තුව ද දැනටමත් අනුමැතිය ලබා දී තිබේ.මෙම නාවික ගමනාගමන කටයුතු සහ මුදල් අය කර ගැනීමේ ක්රියාවලිය සඳහා ඕමානය ද හවුල් කර ගැනීමට ඉරානය කටයුතු කරමින් සිටියි. කෙසේ වෙතත්, ඉරානය සමඟ කිසිදු ගිවිසුමකට එළඹීමට ඕමානයට ඉඩ නොදෙන බවට ජනාධිපති ට්රම්ප් දැඩි ලෙස තර්ජනය කර ඇති අතර, ඊට එරෙහිව ඕමානයට තරයේ අවවාද ද කර තිබේ. අනෙක් අතට, ඇමෙරිකානු නියෝජිතයන් සහ ඉරාන නියෝජිතයන් අතර යළි සාකච්ඡා ආරම්භ වී ඇති බවත්, ඉරානයට ප්රහාර එල්ල කිරීම සහ ඊශ්රායලය ප්රහාර එල්ල කිරීම නවතා ඇති බවත් ජනාධිපති ට්රම්ප් මීට පෙර ප්රකාශ කර තිබිණි.
