ඉරානය සතු සාරවත් කරන ලද යුරේනියම් තොගය සම්බන්ධයෙන් අමෙරිකාව සමඟ පවතින සාකච්ඡා මේ වන විට දැඩි අවහිරතාවයකට (deadlock) පත්ව ඇති බව ඉරාන විදේශ අමාත්ය අබ්බාස් අරග්චි ප්රකාශ කර සිටියි.
මෙම සාකච්ඡා ඉදිරියට ගෙන යාමට ඇති ප්රධානතම බාධාව වන්නේ අමෙරිකාවේ සැබෑ අභිප්රායන් පිළිබඳව ටෙහෙරානයට පවතින දැඩි අවිශ්වාසය බව විදේශ අමාත්යවරයා පෙන්වා දෙයි. ඉරානය සතු යුරේනියම් තොගය රටින් පිටතට මාරු කරන ලෙස අමෙරිකාව කරන ඉල්ලීම් ඉරානය විසින් මේ වන විට ප්රතික්ෂේප කර ඇත. ස්ථිර සටන් විරාමයකින් තොරව එවැනි කිසිදු සහනයක් ලබාදිය නොහැකි බව ඉරානයේ ස්ථාවරය වී තිබේ.
පවතින උණුසුම් තත්ත්වය හමුවේ වුවද පකිස්ථානයේ මැදිහත්වීමෙන් සිදුවන රාජ්ය තාන්ත්රික උත්සාහයන් සඳහා තවදුරටත් අවස්ථාවක් ලබා දීමට සූදානම් බව අමාත්යවරයා වැඩිදුරටත් සඳහන් කළේය.
