ඉරානයට එරෙහිව මෙතෙක් දියත් කළ දැවැන්තම මූල්ය ප්රහාරය ප්රකාශයට පත් කරමින් එක්සත් ජනපද මුදල් ලේකම් ස්කොට් බෙසන්ට් විසින් “ආර්ථික D-Day” නමැති නව සම්බාධක මාලාව නිල වශයෙන් එළිදක්වා තිබේ. වොෂින්ටන් හි පැවැති විශේෂ මාධ්ය හමුවකදී අදහස් දක්වමින් මුදල් ලේකම්වරයා සඳහන් කළේ ඉරාන පාලන තන්ත්රයේ මූල්ය ආදායම් මාර්ග සම්පූර්ණයෙන්ම අඩපණ කරමින් ඔවුන්ව ජාත්යන්තරව තනි කිරීම මෙම මෙහෙයුමේ ප්රධාන අරමුණ බවයි.
මෙම මෙහෙයුම යටතේ ඉරානය සමඟ බැංකු කටයුතු, තෙල් මිලදී ගැනීම්, නැව්ගත කිරීම් හෝ කිසිදු වාණිජ සබඳතාවක් පවත්වන තෙවන පාර්ශවීය රටවල් සහ විදේශීය සමාගම්වලට ද ඇමරිකානු මූල්ය පද්ධතියට ප්රවේශ වීම සම්පූර්ණයෙන්ම තහනම් කෙරෙන දැඩි ද්විතීයික සම්බාධක (Secondary Sanctions) පනවා ඇත.
මෙම තර්ජන හමුවේ ඉරාන රියාල් මුදලේ අගය වාර්තාගත ලෙස පහත වැටී ඇති අතර, එක්සත් ජනපදයේ මෙම මූල්ය ප්රහාරය හමුවේ පර්සියානු ගුලෆ් කලාපයෙන් කිසිදු තෙල් බිංදුවක් අපනයනය කිරීමට ඉඩ නොදෙන බවට ඉරාන ආරක්ෂක බලධාරීන් අනතුරු අඟවා තිබේ. මෙම අතිදැවැන්ත ආර්ථික පීඩනය හරහා යුධමය ක්රියාමාර්ගවලින් තොරවම ඉරාන පාලනාධිකාරිය නැවත සාකච්ඡා මේසයට ගෙන ඒමට ඇමරිකාව බලාපොරොත්තු වේ.
