යාපනයේ ගුරුනගර් ප්රදේශයේ තරුණයකු මඩු දේවස්ථානය බලා යාමට මංගල්යමය සූදානමකින් යුතුව ගමන ආරම්භ කිරීමට දැල්වූ රතිඤ්ඤා කරලක් හදිසියේ පිපිරීම හේතුවෙන් අවාසනාවන්ත ලෙස මියගොස් තිබෙනවා.
ප්රදේශවාසීන් පවසන ආකාරයට, මඩු දේවස්ථානය කරා යාමට සූදානම් වී නිවසින් පිටත්වීමට පෙර ඔහු විසින් මෙම රතිඤ්ඤා පත්තු කර ඇත. එහිදී ගිනි තබන ලද රතිඤ්ඤා කරලක් නිසි පරිදි පත්තු නොවී යාම නිසා, ඔහු නැවතත් එම රතිඤ්ඤය අහුලා ගෙන එයට ගිනි තැබීමට උත්සාහ කර තිබේ. එම අවස්ථාවේදී හදිසියේම රතිඤ්ඤා කරල මහත් ශබ්දයකින් පිපිරී ගොස් ඇති අතර, ඒ සමඟම හටගත් ගින්න ඔහුගේ ඇඳුම්වලට ක්ෂණිකව පැතිරී ගොස් තිබේ.
විනාඩි කිහිපයක් ඇතුළත ගිනි ජාලාවලට හසුවී බරපතළ පිළිස්සුම් තුවාල ලැබූ තරුණයා වහාම යාපනය ශික්ෂණ රෝහල වෙත ඇතුළත් කිරීමට පියවර ගත්තද, ඔහුගේ ජීවිතය බේරා ගැනීමට නොහැකි වී ඇත. සිද්ධිය සම්බන්ධයෙන් ගුරුනගර් පොලීසිය විසින් වැඩිදුර පරීක්ෂණ ක්රියාත්මක කරමින් පවතියි.
