අධිකරණ හා නීති ක්ෂේත්රයේ පුළුල් පරිවර්තනයක් සහ ජනතාවාදී ප්රතිසංස්කරණ සිදුකිරීම වත්මන් රජය ජනාධිපතිවරණ සහ පාර්ලිමේන්තු මැතිවරණ සමයේදී ජනතාවට ලබාදුන් පොරොන්දුවක් බව ‘ජනවරමේ නීතිඥයෝ’ සංවිධානයේ නීතිඥ ලාල් කුමාරපේලි මහතා ගම්පහදී පැවැති මාධ්ය හමුවකදී ප්රකාශ කර තිබේ.
උපරිමාධිකරණ විනිසුරුවරුන්ගේ විශ්රාම වයස වසර දෙකකින් දීර්ඝ කිරීම සම්බන්ධයෙන් රජය ගෙන යන කටයුතුවලට තම විරෝධයක් නොමැති බව සඳහන් කළ ඒ මහතා, දිගින් දිගටම ගොඩගැසෙමින් පවතින මිලියනයකට අධික නඩු ප්රමාණය හේතුවෙන් මහජනතාවට සිදුවන අසාධාරණය මඟහරවා ගැනීමට මෙම ප්රතිසංස්කරණ කාලානුරූපව සිදුවිය යුතු බව අවධාරණය කළේය.
