ලබන සැප්තැම්බර් මාසයේදී පැවැත්වීමට නියමිත ‘වයඹ අභිමන් 2026’ අධ්යාපනික, සංස්කෘතික, වෙළඳ ප්රදර්ශනය සහ කලා ප්රසංගය ජනගත කිරීමේ උත්සවය වයඹ පළාත් ආණ්ඩුකාර තිස්ස වර්ණසූරිය මහතාගේ මූලිකත්වයෙන් බඩගමුව එපිටොම් උත්සව ශාලා පරිශ්රයේදී පවත්වා තිබේ.
වයඹ පළාත කේන්ද්ර කර ගනිමින් මෙවැනි දැවැන්ත ප්රදර්ශනයක් සහ කලා ප්රසංගයක් පැවැත්වෙන පළමු අවස්ථාව මෙය වන අතර, ‘සියපත’ වයඹ පළාත් කලා සංගමය සහ වයඹ ජනකලා කේන්ද්රය එක්ව මෙය සංවිධානය කර ඇත. වයඹ ජනකලා කේන්ද්රයේ ඉදිරි සංවර්ධන කටයුතු සහ කලා ශිල්පීන් වෙනුවෙන් අරමුදලක් ගොඩනැඟීමේ අරමුණින් ක්රියාත්මක වන මෙම දැවැන්ත ප්රසංගය සැප්තැම්බර් 12 සිට 18 දක්වා පුරා දින හතක කාලයක් කුරුණෑගල ජනකලා කේන්ද්ර පරිශ්රය සහ කුරුණෑගල දකුණ ලංගම ඩිපෝ පරිශ්රය කේන්ද්ර කරගනිමින් පැවැත්වීමට නියමිතය. මෙම අවස්ථාවට නියෝජ්ය අමාත්යවරුන් වන වෛද්ය නාමල් සුදර්ශන, නාමල් කරුණාරත්න ඇතුළු දේශපාලනඥයන්, කලාකරුවන් සහ රාජ්ය නිලධාරීන් රැසක් එක්ව සිටියහ.
