85 වන ශ්රී ලංකා පොලිස් අන්තර්කොට්ඨාස මළල ක්රීඩා උළෙලට සමගාමීව මඩකලපුව වෙබර් ක්රීඩාංගණයේදී පැවැති නැගෙනහිර පළාත් අන්තර් කොට්ඨාස මළල ක්රීඩා උළෙලේ සමස්ත ශූරතාව දිනා ගැනීමට කන්තලේ පොලිස් කොට්ඨාසය සමත්ව තිබේ.
ත්රිකුණාමලය, මඩකලපුව, අම්පාර සහ කන්තලේ කොට්ඨාසවල සහභාගීත්වයෙන් පැවැති මෙම තරගාවලියේදී, කාන්තා කඹ ඇදීමේ ශූරතාව මෙන්ම පිරිමි උස පැනීමේ ඉසව්වෙන් සෙන්ටිමීටර 165ක නව නැගෙනහිර පළාත් වාර්තාවක් පිහිටුවමින් කන්තලේ කොට්ඨාසය සමස්ත ලකුණු සටහනේ පෙරමුණ ගැනීමට සමත් විය. කන්තලේ කොට්ඨාශභාර ජ්යෙෂ්ඨ පොලිස් අධිකාරි උපුල පී. සෙනවිරත්න මහතාගේ මගපෙන්වීම යටතේ සහකාර පොලිස් අධිකාරි කේ.එම්.ඩී. බණ්ඩාර සහ පොලිස් පරීක්ෂක ජයම්පති යන මහත්වරුන්ගේ මෙහෙයවීමෙන් ක්රීඩක ක්රීඩිකාවන් මෙම ජයග්රහණය ලබා ඇති අතර, නැගෙනහිර පළාත ජ්යෙෂ්ඨ නියෝජ්ය පොලිස්පති නීතිඥ සම්පත් කුමාර ලියනගේ ඇතුළු උසස් පොලිස් නිලධාරීන් පිරිසක්ද මෙම අවස්ථාවට එක්ව සිටියහ.
