කෙන්යාවේ සම්බුරු (Samburu) ප්රාන්තයේ සිදු වූ සංචාරක හෙලිකොප්ටර් අනතුරකින් නියමුවා සහ සංචාරකයින් හය දෙනෙකු ඇතුළු පුද්ගලයින් 7 දෙනෙකු ජීවිතක්ෂයට පත්ව ඇතැයි පොලිස් වාර්තා සඳහන් කරයි.
බදාදා (අගෝස්තු 19) මෙම ගුවන් යානය ලොයිසාබා රක්ෂිතය (Loisaba Conservancy) වෙත ගමන් කරමින් තිබියදී ඔලොලොක්වේ කන්ද (Mount Ololokwe) ආසන්නයේදී මෙම අනතුර සිදුවී ඇති බව ආචර්ස් පෝස්ට් (Archers Post) පොලිස් ස්ථානයේ ප්රාථමික වාර්තාවක දැක්වේ. මියගිය සංචාරකයින්ගේ ජාතිකූන්යයන් මෙතෙක් අනාවරණය වී නොමැත.
සුඛෝපභෝගී සංචාරක ආයතනයක් වන “&Beyond” ආයතනය තහවුරු කර ඇත්තේ තම ආයතනයේ අමුත්තන් රැගත් හෙලිකොප්ටර් යානයක් මෙලෙස අනතුරට ලක්ව ඇති බවයි. ප්රාදේශීය බලධාරීන් විසින් මේ පිළිබඳ පුළුල් පරීක්ෂණ පවත්වන අතර, අනතුරට නිශ්චිත හේතුව මෙතෙක් අනාවරණය වී නොමැති බව එම සමාගම වැඩිදුරටත් කියා සිටී.
තොරතුරු උපුටා ගැනීම: Reuters ඇසුරින්
