රුපියල් ලක්ෂ 30ක අල්ලස් මුදලක් ලබාගැනීමට යාමේදී අත්අඩංගුවට පත් වූ කුරුණෑගල මහනගර සභාවේ නියෝජ්ය නගරාධිපති මොහොමඩ් මොයුනුදීන් මහතා එළඹෙන මැයි 21 වනදා දක්වා රක්ෂිත බන්ධනාගාරගත කිරීමට අධිකරණය නියෝග කර තිබේ. කුරුණෑගල බස් නැවතුම්පොළ සහ පොදු වැසිකිළිය පිරිසිදු කිරීමේ ටෙන්ඩරය ලබාදීම සඳහා රුපියල් ලක්ෂ 30ක මුදලක් සහ මාසිකව රුපියල් ලක්ෂ 5 බැගින් වූ අල්ලස් මුදලක් ඉල්ලා සිටීමේ චෝදනාව මත අල්ලස් කොමිසමේ නිලධාරීන් විසින් ඊයේ (08) බත්තරමුල්ල ප්රදේශයේදී මොහු අත්අඩංගුවට ගනු ලැබීය.
ජාතික ජන බලවේගය බලය හිමි කරගෙන ඇති කුරුණෑගල මහනගර සභාවේ නියෝජ්ය නගරාධිපති ධුරය හොබවන මොයුනුදීන් මහතා, රිෂාඩ් බදියුදීන් මහතාගේ සමස්ත ලංකා මහජන කොංග්රසය නියෝජනය කරමින් එම සභාවේ බලය පිහිටුවීමට සහාය දැක්වූවෙකි. මෙම දූෂණ චෝදනාවත් සමඟ ඔහුගේ පක්ෂ සාමාජිකත්වය වහාම ක්රියාත්මක වන පරිදි අත්හිටුවීමට සමස්ත ලංකා මහජන කොංග්රසය පියවර ගෙන ඇත. දේශපාලන සහාය මත තනතුරු ලබාගෙන මෙවැනි මූල්ය වංචාවල නිරත වීම සම්බන්ධයෙන් මේ වන විට සමාජය තුළ දැඩි කතාබහක් නිර්මාණය වී තිබේ.
