කුවේට හමුදාව අද (15) අලුයම නිවේදනය කළේ එරට ගුවන් ආරක්ෂක පද්ධති ‘සතුරු’ ඩ්රෝන ප්රහාර මාලාවකට ප්රතිචාර දක්වමින් සිටින බවයි. ඉරානය විසින් මෙම ප්රහාර එල්ල කර ඇති බවට හමුදාව චෝදනා කරයි.
ගුවන් ආරක්ෂක පද්ධති මගින් අහසේදී ඩ්රෝන යානා විනාශ කිරීමේදී ඇතිවන පිපිරුම් හඬ රටේ ඇතැම් ප්රදේශවලට ඇසෙනු ඇති බවත්, බලධාරීන් නිකුත් කර ඇති ආරක්ෂක උපදෙස් පිළිපදින ලෙසත් කුවේට හමුදාව ජනතාවගෙන් ඉල්ලා සිටී.
මීට පෙර කුවේට බලධාරීන් ප්රකාශ කළේ ඉරාන ප්රහාරයකට ලක්වූ ස්ථානයක හටගත් ගින්නක් ගිනිනිවන භටයන් විසින් පාලනය කර ඇති බවයි. මෙම ස්ථානය පිළිබඳ හෝ සිදුවූ හානිය පිළිබඳව වැඩිදුර තොරතුරු මෙතෙක් අනාවරණය කර නොමැත. කෙසේ වෙතත්, එම සිදුවීමෙන් කිසිදු තුවාලයක් වාර්තා වී නොමැත.
මේ අතර, බහරේනයේද ගුවන් ප්රහාර පිළිබඳ අනතුරු ඇඟවීමේ සයිරන් නාද කර ඇති අතර, ආරක්ෂිත ස්ථාන වෙත යන ලෙස එහි අභ්යන්තර කටයුතු අමාත්යාංශය පුරවැසියන්ගෙන් ඉල්ලා සිටී. පසුගිය අඟහරුවාදා බහරේන ආරක්ෂක හමුදා සඳහන් කළේ ‘පාවාදීමේ ඉරාන ගුවන් ප්රහාර’ කිහිපයක් තම ගුවන් ආරක්ෂක පද්ධති මගින් විනාශ කළ බවයි.
හෝර්මුස් සමුද්ර සන්ධිය ආශ්රිතව අමෙරිකාව සහ ඉරානය අතර උත්සන්න වී ඇති ගැටුම් මධ්යයේ මෙම තත්ත්වය වර්ධනය වී තිබේ. අමෙරිකානු හමුදා ඉරානය ඉලක්ක කර ප්රහාර එල්ල කරන අතර, කලාපය පුරා ඇති අමෙරිකානු හමුදා කඳවුරු ඉලක්ක කර ඉරානය ප්රතිප්රහාර එල්ල කරයි. පාකිස්තානය මැදිහත්වී සාම ගිවිසුමකට එළඹීමට උත්සාහ කළද, මෙම ප්රහාර හුවමාරුව අඛණ්ඩව සිදුවීම කලාපීය සාමයට තර්ජනයක් වී ඇත.
