2026 FIFA ලෝක කුසලාන තරඟාවලියේදී ස්පාඤ්ඤ කණ්ඩායම ජයග්රහණය කරා මෙහෙයවමින් ලමීන් යමාල් (Lamine Yamal) පිටිය තුළ කැපී පෙනෙන දක්ෂතා දක්වන අතරතුර, ඔහුගේ තුන් හැවිරිදි සොහොයුරු කේන් (Keyne) පිටියෙන් පිටත සිදුකළ සුරතල් ක්රියා නිසා ලොව පුරා ප්රේක්ෂකයින්ගේ අවධානය දිනාගෙන තිබේ. ස්පාඤ්ඤ කණ්ඩායමට හිමිවූ රන් පදක්කම ලමීන් විසින් සිය කුඩා සහෝදරයාගේ කරට දමා ඇති අතර, කේන් එය රසකැවිල්ලක් සේ සිතා සපමින් සිටින ඡායාරූප සහ වීඩියෝ සමාජ මාධ්ය තුළ වේගයෙන් හුවමාරු වෙමින් පවතියි.
ජයග්රාහී ස්පාඤ්ඤ කණ්ඩායමේ නිල ඡායාරූප ලබාගන්නා අවස්ථාවේදීද කුසලානය අසල වාඩි වී බිම පෙරළෙමින් සිටි මෙම කුඩා දරුවාගේ ක්රියාකාරකම් ජ්යෙෂ්ඨ ක්රීඩකයින්ගේ පවා සිනහවට හේතු විය. ලමීන් යමාල් සිය සහෝදරයා වඩාගෙන පිටිය වටා යන අතරතුර කුඩා කේන් ස්පාඤ්ඤ රසිකයින්ට අතවනමින් ප්රතිචාර දක්වා ඇති අතර, මෙම සොහොයුරන් දෙදෙනාගේ සහ ඔවුන්ගේ මව වන ෂීලා එබනා (Sheila Ebana)ගේ සුන්දර පවුලේ ඡායාරූප අන්තර්ජාලය පුරා බොහෝ දෙනෙකුගේ පැසසුමට ලක්ව ඇත.
