ශ්රී ලංකාවේ වාස්තු විද්යා සහ නිර්මාණ ක්ෂේත්රයේ දැනුම, සංවාද සහ නිර්මාණාත්මක අදහස් හුවමාරුව දිරිගැන්වීමේ අරමුණින්, මෙරට ප්රමුඛතම ටයිල් සන්නාමය වන LANKATILES ආයතනය 23 වන වාර්ෂික ජෙෆ්රි බාවා අනුස්මරණ දේශනයට සහාය දැක්වීම සඳහා ජෙෆ්රි බාවා භාරය සමඟ එක්වී තිබේ.
ශ්රී ලංකා පදනම් ආයතනයේ පැවති මෙම අනුස්මරණ දේශනය junya.ishigami+associates හි නිර්මාතෘ, ප්රකට ජපන් ගෘහ නිර්මාණ ශිල්පී Junya Ishigami විසින් මෙහෙයවන ලද අතර, සම්ප්රදායික වාස්තු නිර්මාණ සංකල්පවලට නව මානයන් එක් කරමින් සොබාදහම සහ මානව අත්දැකීම් අතර ඇති සබඳතාවය ඔහු සිය නිර්මාණ හරහා ගවේෂණය කර ඇත.
මෙම වාර්ෂික අනුස්මරණ දේශනය LANKATILES සහ ජෙෆ්රි බාවා භාරය අතර පවතින සහයෝගීතාවයේ වැදගත් පියවරක් වන අතර, මෙම හවුල්කාරීත්වය යටතේ වසර පුරා ක්රියාත්මක වන ‘DesignTalk’ සංවාද මාලාව හරහා ක්ෂේත්රයේ නිර්මාණකරුවන්ට අදහස් සහ දැනුම බෙදාගැනීමට කටයුතු යොදා ඇත. නිර්මාණශීලීත්වය ප්රවර්ධනය කිරීම සහ ශ්රී ලංකාවේ වාස්තු නිර්මාණ ක්ෂේත්රයේ අනාගතය ගොඩනැගීමට දායක වීම තම අපේක්ෂාව බව LANKATILES PLC හි කළමනාකාර අධ්යක්ෂ ප්රියන්ත තල්වත්ත මහතා මෙහිදී ප්රකාශ කළේය.
ජෙෆ්රි බාවා සහ ලුණුගඟ භාරයන්හි සභාපති චන්න දාස්වත්ත මහතා සඳහන් කළේ මෙම සහයෝගීතාවය හරහා ශ්රී ලාංකිකයන් වෙත නව අදහස් සහ ජාත්යන්තර නිර්මාණාත්මක දැක්මන් ගෙන ඒමට හැකි වී ඇති බවයි. එසේම M+ කෞතුකාගාරයේ අධ්යක්ෂිකා සහ භාරකාරිනියක වන Suhanya Raffel පෙන්වා දුන්නේ ජෙෆ්රි බාවාගේ නිර්මාණ උරුමය ආරක්ෂා කිරීම හරහා වඩාත් වගකීම් සහගත සහ තිරසාර අනාගතයක් උදා කර ගැනීමට ඉවහල් වන බවයි.
