පසුගිය අප්රේල් මාසයේදී සිඩ්නි නුවර වයඹදිග පෙන්රිත් (Penrith) ප්රදේශයේ ධාවනය වූ බස් රථයක් තුළ මගීන් දෙදෙනෙකුට පහර දීමේ සිද්ධියක් සම්බන්ධයෙන් වයස අවුරුදු 14 සහ 16 යන වියේ පසුවන දැරියන් දෙදෙනෙකුට පොලිසිය විසින් චෝදනා එල්ල කර තිබේ.
පසුගිය අප්රේල් 28 වැනිදා පස්වරු 6:30ට පමණ බස් රථයක ගමන් කරමින් සිටි 16 හැවිරිදි දැරියකට සහ 18 හැවිරිදි තරුණයෙකුට නව යොවුන් පිරිසක් විසින් බස් රථය තුළදීම පහර දී පලා ගොස් තිබුණි. පහර කෑමට ලක්වූවන්ට සුළු තුවාල සිදු වූ අතර ඒ පිළිබඳව පුළුල් විමර්ශනයක් ආරම්භ කිරීමට පොලිසිය පියවර ගත්තේය.
විමර්ශනවලින් අනතුරුව ඊයේ (මැයි 11) කිංග්ස්වුඩ්හිදී 14 හැවිරිදි දැරියක් අත්අඩංගුවට ගත් අතර ඇයට ශාරීරික හානි සිදුකිරීම සහ කලහකාරී ලෙස හැසිරීම යටතේ චෝදනා ගොනු කෙරිණි. අද (මැයි 12) වාලන් (Whalan) ප්රදේශයේදී 16 හැවිරිදි තවත් දැරියක් අත්අඩංගුවට ගත් අතර ඇයට ද සමූහ පහරදීම් සම්බන්ධයෙන් චෝදනා එල්ල වී තිබේ. මොවුන් දෙදෙනාම දැඩි ඇප කොන්දේසි මත මුදා හැර ඇති අතර මැයි සහ ජූනි මාසවලදී ළමා අධිකරණය හමුවේ පෙනී සිටිය යුතුය. මෙම සිද්ධියට සම්බන්ධ තවත් 12 හැවිරිදි දැරියක් සහ 15 හැවිරිදි පිරිමි ළමයෙකු සම්බන්ධයෙන් ‘තරුණ වැරදිකරුවන්ගේ පනත’ (Young Offenders Act) යටතේ ක්රියා කිරීමට පොලිසිය තීරණය කර ඇති අතර විමර්ශන තවදුරටත් ක්රියාත්මකය.
