තඹලගමුව පොලිස් වසමට අයත් සේනවල්ලි වැවේ ගිලීමෙන් සිදුවූ අවාසනාවන්ත අනතුරකින් පුද්ගලයෙකු ජීවිතක්ෂයට පත්ව තිබේ. මෙලෙස මියගොස් ඇත්තේ තඹලගමුව, අර්ෆානගර් ප්රදේශයේ පදිංචිව සිටි 35 හැවිරිදි වියේ පසුවූ පුද්ගලයෙකි.
පොලීසිය සිදුකළ මූලික විමර්ශනවලදී අනාවරණය වී ඇත්තේ, අදාළ පුද්ගලයා වැවේ මසුන් අල්ලමින් සිටි අවස්ථාවේදී ඔහුට එකවරම ඇතිවූ හදිසි අසනීප තත්ත්වයක් හේතුවෙන් සිහිසුන්ව මෙලෙස දියේ ගිලී ඇති බවයි. මෙම කණගාටුදායක සිදුවීම සම්බන්ධයෙන් තඹලගමුව පොලීසිය මේ වන විට වැඩිදුර විමර්ශන කටයුතු අඛණ්ඩව සිදුකරනු ලබයි.
