මෙරට ප්රදේශ කිහිපයකින් මෙනින්ජයිටිස් (Meningitis) හෙවත් මොළේ උණ රෝගීන් 66 දෙනෙකු මේ වන විට වාර්තා වී ඇති බව වසංගත රෝග විද්යා අංශයේ ප්රධාන වසංගත රෝග විශේෂඥ වෛද්ය පාලිත කරුණාපේම මහතා තහවුරු කරයි.
නිල වාර්තාවලට අනුව වැඩිම මොළේ උණ රෝගීන් සංඛ්යාවක් දියතලාව ප්රදේශයෙන් වාර්තා වන අතර එම සංඛ්යාව 28කි. මීට අමතරව රිකිල්ලගස්කඩ ප්රදේශයෙන් රෝගීන් 25ක් සහ වැලිමඩ ප්රදේශයෙන් රෝගීන් 13ක් ලෙස මෙම සමස්ත රෝගීන් 66 දෙනා වාර්තා වී තිබේ.
පවතින වැසි සහිත කාලගුණික තත්ත්වය මෙන්ම ඉදිරියේදී එළඹෙන වෙසක් උත්සවය වෙනුවෙන් දිවයින පුරා සංවිධානය කෙරෙන දන්සල් සහ මහජන ඒකරාශීවීම් හේතුවෙන් මෙම රෝගය තවදුරටත් වේගයෙන් පැතිර යාමේ දැඩි අවදානමක් පවතින බව වෛද්ය පාලිත කරුණාපේම මහතා පෙන්වා දෙයි. එබැවින් මේ පිළිබඳව දැඩි ලෙස සැලකිලිමත් වෙමින්, සෞඛ්යාරක්ෂිත ක්රමවේද අනුගමනය කරමින් කටයුතු කරන ලෙස වසංගත රෝග විද්යා අංශය මහජනතාවගෙන් කාරුණිකව ඉල්ලා සිටී.
