ශ්රී ලංකාවට ඊසාන දෙසින් පවතින අඩුපීඩන කලාපය තවදුරටත් ක්රියාත්මක වන බව කාලගුණවිද්යා දෙපාර්තමේන්තුව පවසයි. ඉදිරි දින කිහිපය තුළ මෙම පද්ධතිය උතුරු දෙසට ගමන් කිරීමට ඉඩ ඇති අතර ඒ හේතුවෙන් දිවයිනේ දැනට පවතින වැසි සහිත කාලගුණය තවදුරටත් අපේක්ෂා කෙරේ.
බස්නාහිර, සබරගමුව, මධ්යම, වයඹ සහ උතුරු පළාත්වලට මෙන්ම අනුරාධපුර, ත්රිකුණාමලය, ගාල්ල සහ මාතර දිස්ත්රික්කවලට විටින් විට වැසි හෝ ගිගුරුම් සහිත වැසි ඇති විය හැක. බස්නාහිර, සබරගමුව, මධ්යම, වයඹ සහ ඌව පළාත්වලත්, අම්පාර, මඩකලපුව, ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 100 ඉක්මවූ තද වැසි ලැබිය හැකිය. දිවයින වටා වන මුහුදු ප්රදේශවල ද විටින් විට වැසි හෝ ගිගුරුම් සහිත වැසි ඇති වන අතර සුළගේ වේගය පැ.කි.මී. 25-35 පමණ වේ. පුත්තලම සිට කොළඹ සහ ගාල්ල හරහා හම්බන්තොට දක්වා මුහුදු ප්රදේශවල සුළගේ වේගය විටින් විට පැ.කි.මී. 50 දක්වා ඉහළ යා හැකි බැවින් එම ප්රදේශ රළු විය හැක.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවිය හැකි අනතුරු අවම කර ගැනීමට අවශ්ය පියවර ගන්නා ලෙසත්, මුහුදු ප්රදේශවල පවතින රළු ස්වභාවය පිළිබඳ අවධානයෙන් පසුවන ලෙසත් ධීවර හා නාවික ප්රජාවගෙන් ඉල්ලා සිටිනු ලැබේ.
