රැකියා සඳහා විදේශගත වන කාන්තාවන්ගේ පවුල්වල සුබසාධනය සහ තිරසාර සංවර්ධනය ඉලක්ක කර ගනිමින් ‘විගමනික ශ්රමික පවුල් සංවර්ධනය සඳහා ඒකාබද්ධ ක්රමවත් ප්රවේශය’ නමින් නව ව්යාපෘතියක් ක්රියාත්මක කිරීමට අමාත්ය මණ්ඩලය අනුමැතිය ලබා දී ඇත.
විගමනික ශ්රමික පවුල්වල පවතින ගැටලු හඳුනා ගනිමින් ක්රියාත්මක කරන මෙම ව්යාපෘතියේ ප්රධාන කරුණු කිහිපයක් පහත දැක්වේ:
වර්තමානයේ විදේශගත වන කාන්තාවන් සිය රැකියා කාලය අවසන් වී නැවත මෙරටට පැමිණිය ද, පවුල් සංවර්ධනය සඳහා නිසි සැලැස්මක් නොමැති වීම හේතුවෙන් ඔවුන් නැවත නැවතත් විදේශගත වීමේ ප්රවණතාවක් පවතී. මෙම ව්යාපෘතිය හරහා ඔවුන්ගේ දිගුකාලීන ආර්ථික හා සමාජීය අරමුණු සාක්ෂාත් කර ගැනීමට අවශ්ය මගපෙන්වීම් ලබා දීම අරමුණයි.
වයස අවුරුදු 3ත් 18ත් අතර දරුවන්ගේ ආරක්ෂාව සහ අධ්යාපනය වඩාත් විධිමත් යාන්ත්රණයක් යටතේ මෙහෙයවීම සඳහා ප්රමුඛත්වය ලබා දේ.
ආර්ථික මගපෙන්වීම, ළමා සෞඛ්ය හා ආරක්ෂාව, වනිතා කටයුතු, රැකියා පුහුණු, කුඩා ව්යාපාර සංවර්ධනය සහ අපනයන දිරිගැන්වීම වැනි අංශ ආවරණය වන පරිදි අදාළ රාජ්ය ආයතන එකම කණ්ඩායමක් ලෙස ඒකාබද්ධව කටයුතු කිරීමට සැලසුම් කර ඇත.
විශේෂ අවධානය යොමු කළ යුතු විදෙස් ශ්රමිකයින්ගේ පවුල් සඳහා තිරසාර ජීවන තත්ත්වයක් උදා කර දීම වෙනුවෙන් වසර 5ක සංවර්ධන සැලැස්මක් සකස් කර ක්රියාත්මක කෙරේ.
මෙම යෝජනාව විදේශ කටයුතු, විදේශ රැකියා සහ සංචාරක අමාත්යතුමා විසින් ඉදිරිපත් කරන ලදී.
