වර්තමාන ලෝකයේ වෙනස්වන භූ දේශපාලනික සහ තාක්ෂණික අභියෝග හමුවේ, ගෝලීය ආරක්ෂක ගැටලු සඳහා විසඳුම් සෙවීමේදී BRICS සංවිධානයට සුවිශේෂී සහ වැදගත් කාර්යභාරයක් පැවරී ඇති බව ඉන්දීය අග්රාමාත්ය නරේන්ද්ර මෝදි මහතා අවධාරණය කළේය.
BRICS සාමාජික රටවල ජාතික ආරක්ෂක උපදේශකයින් සහ ජ්යෙෂ්ඨ ආරක්ෂක නිලධාරීන් හමුවූ අවස්ථාවේදී අග්රාමාත්යවරයා මේ බව ප්රකාශ කළේය. ඉදිරියේදී BRICS සංවිධානයේ සභාපතිත්වය ඉන්දියාවට හිමි වීමට නියමිත අතර, නවදිල්ලිය ප්රමුඛතාවය දෙන ක්ෂේත්ර පිළිබඳවද මෝදි මහතා මෙහිදී අදහස් දැක්වීය.
මෝදි මහතා විසින් සාමාජික රටවල් අතර ආරක්ෂක සහ තාක්ෂණික ක්ෂේත්රවල සහයෝගීතාව තවදුරටත් ශක්තිමත් කිරීමේ අවශ්යතාව අවධාරණය කරන ලදී. එමෙන්ම සංවර්ධනය වෙමින් පවතින රටවල අභිලාෂයන් සහ අයිතිවාසිකම් හෙවත් ‘ග්ලෝබල් සවුත්’ වෙනුවෙන් BRICS සංවිධානය හරහා පෙනී සිටීමේ වැදගත්කමද ඔහු පෙන්වා දුන්නේය. ජාත්යන්තර සාමය තහවුරු කිරීම සහ පොදු ගෝලීය අභියෝගවලට මුහුණ දීම සඳහා හවුල්කාර රටවල් සමඟ එක්ව කටයුතු කිරීමට ඉන්දියාව දක්වන කැපවීම අග්රාමාත්යවරයා යළිත් අවධාරණය කළේය.
බ්රසීලය, රුසියාව, ඉන්දියාව, චීනය සහ දකුණු අප්රිකාව ඇතුළු නව සාමාජික රටවලින් සමන්විත BRICS සංවිධානය, ගෝලීය පාලන තන්ත්රයේ සහ ආර්ථික සහයෝගීතාවයේ තම බලපෑම වර්ධනය කර ගැනීමට කටයුතු කරන වටපිටාවක මෙම සාකච්ඡා පැවැත්වීම විශේෂත්වයකි.
