රජය විසින් ආර්ථිකය ශක්තිමත් කර ඇති බැවින් සහ වියදම් කිරීමට ප්රමාණවත් මුදල් පවතින බැවින්, දැක්මක් සහිතව ගොවීන් නඟා සිටුවීමට පියවර ගන්නා බව පාර්ලිමේන්තු මන්ත්රී තුෂාරි ජයසිංහ මහත්මිය පවසයි.
“ප්රජා ශක්ති ගම් දහසක වැඩ දහසක්” ජාතික වැඩසටහනේ සමාරම්භයට සමගාමීව, පස්බාගේ කෝරළේ ප්රාදේශීය ලේකම් කොට්ඨාශයේ සංවර්ධන කටයුතු මන්ත්රීවරියගේ ප්රධානත්වයෙන් වැලිගම්පල ග්රාම නිලධාරී වසමේදී ආරම්භ කෙරිණි. වැලිගම්පල ලේල්කඳුර අමුණ සහ ඇල මාර්ගය කිලෝමීටර් 2.5ක දුරක් රුපියල් ලක්ෂ 25ක ප්රතිපාදන යටතේ ප්රතිසංස්කරණය කිරීමට නියමිතය. මෙම ව්යාපෘතිය මගින් කුඹුරු අක්කර 21ක් අස්වැද්දීමට අවශ්ය අඛණ්ඩ ජල සැපයුම ලැබෙන අතර, ගොවි පවුල් 40කට සෘජු ප්රතිලාභ හිමිවේ. පස්බාගේ කෝරළේ ග්රාම නිලධාරී වසම් 29ක් සඳහා “ප්රජා ශක්ති” වැඩපිළිවෙළ යටතේ රුපියල් මිලියන 620ක විශාල ප්රතිපාදන ප්රමාණයක් වෙන් කර ඇත.
