පසුගිය මාසයේ මුල්ලිවයික්කාල් ප්රදේශයේ පැවැත්වුණු සැමරුම් උත්සවයක් වෙත යතුරුපැදිවලින් යමින් සිටියදී මාර්ග නීති උල්ලංඝනය කළ පුද්ගලයන් තිදෙනෙකුට මුලතිව් මහේස්ත්රාත් අධිකරණය විසින් දඩ පනවා තිබෙනවා. මැයි 18 වැනිදා මෙම පිරිස මුල්ලිවයික්කාල් බලා යද්දී රේගු සහ මාර්ග නීති උල්ලංඝනය කර ඇති බවට ලැබුණු තොරතුරු මත සිදුකළ විමර්ශනවලින් පසුව, පුදුකුඩීඉරිප්පු පොලිසිය විසින් මැයි 23 වැනිදා මොවුන්ව අත්අඩංගුවට ගෙන තිබුණා.
පොලිස් පරීක්ෂණවලින් හෙළි වී ඇත්තේ මොවුන් කිලිනොච්චි ප්රදේශයේ සිට මුල්ලිවයික්කාල් දක්වා යතුරුපැදිවලින් ගමන් කර ඇති බවයි. මැයි 23 වැනිදා අධිකරණයට ඉදිරිපත් කිරීමෙන් පසු රුපියල් 150,000 බැගින් වූ ශරීර ඇප තුනක් මත මුදාහැර සිටි මෙම සැකකරුවන් තිදෙනා, ජූනි 16 වැනිදා නඩුව නැවත කැඳවූ අවස්ථාවේදී තමන් කළ වරද පිළිගෙන තිබෙනවා. ඒ අනුව, අධිකරණය විසින් ඔවුන්ට පිළිවෙළින් රුපියල් 11,500ක්, රුපියල් 11,500ක් සහ රුපියල් 17,500ක් ලෙස දඩ නියම කර නිදහස් කිරීමට නියෝග කළා.
