මියන්මාරයේ නව ජනාධිපති යූ මින් අවුන් හ්ලියැන්ග් (U Min Aung Hlaing) මහතා සිය ධුරයේ වැඩ භාරගැනීමෙන් අනතුරුව සිදුකරන ප්රථම නිල විදේශ සංචාරය ලෙස ඉන්දියාවට පැමිණීමට නියමිත බව ඉන්දීය විදේශ කටයුතු අමාත්යාංශය නිවේදනය කර තිබේ. මැයි 30 වැනිදා සිට ජුනි 3 වැනිදා දක්වා පැවැත්වෙන මෙම පස්දින නිල සංචාරයේදී දෙරට අතර පවතින ඓතිහාසික, උපායමාර්ගික සහ ආර්ථික සබඳතා තවදුරටත් ශක්තිමත් කරගැනීම කෙරෙහි විශේෂ අවධානයක් යොමු කිරීමට අපේක්ෂිතය. මෙම සංචාරයේ ප්රධානතම අවස්ථාවක් ලෙස, ජුනි 1 වැනිදා නව දිල්ලි නුවරදී මියන්මාර ජනාධිපතිවරයා සහ ඉන්දීය අග්රාමාත්ය නරේන්ද්ර මෝදි මහතා අතර නිල ද්විපාර්ශ්වික සාකච්ඡාවක් පැවැත්වීමට නියමිතව ඇත. එහිදී කලාපීය සහ දේශසීමා ආරක්ෂාව, වෙළෙඳ සහ ආර්ථික සහයෝගීතාව මෙන්ම දෙරටට වැදගත් වන අනෙකුත් සම්බන්ධතා ව්යාපෘති පිළිබඳව දීර්ඝ වශයෙන් අදහස් හුවමාරු කර ගැනීමට නියමිත බව ද විදෙස් මාධ්ය වාර්තා කරයි. මීට අමතරව මියන්මාර ජනාධිපතිවරයා ඉන්දියාවේ ව්යාපාරික සමුළුවකට එක්වීමටත්, බුද්ධගයාව සහ මුම්බායි යන නගරවල සංචාරය කිරීමටත් සැලසුම් කර තිබේ.
ධුරයේ වැඩ භාරගැනීමෙන් පසු මියන්මාර ජනාධිපතිවරයාගේ ප්රථම නිල විදේශ සංචාරය ඉන්දියාවට
