වව්නියාව සහ කිලිනොච්චිය ප්රදේශවල සිට අවාරයේ ශ්රී පාද සංචාරයක් සඳහා පැමිණි පිරිසක් ගමන්ගත් මෝටර් රථයක් නල්ලතන්නිය – මස්කෙළිය ප්රධාන මාර්ගයේ මෝහිනී ඇල්ල අසලදී මාර්ගයෙන් ඉවතට පැන ප්රපාතය දෙසට හා මෝහිනී ඇළට පෙරළීමෙන් අනතුරක් සිදුව තිබේ. රාත්රී කාලයේ පවතින අයහපත් කාලගුණික තත්ත්වය හේතුවෙන් සංචාරය කල් දමන ලෙස නල්ලතන්නි පොලීසිය විසින් කළ දැනුම්දීම නොතකා, නාවාතැනක් සෙවීම සඳහා ගමන් කරමින් සිටියදී මෙම අනතුර සිදුව ඇති බව මූලික පොලිස් පරීක්ෂණ මඟින් අනාවරණය වී ඇත.
අනතුර සිදුවන අවස්ථාවේදී මෝටර් රථය තුළ පිරිමි පුද්ගලයන් තිදෙනෙකු සහ කාන්තාවන් දෙදෙනෙකු ගමන් කර ඇති අතර, වාසනාවකට මෙන් ඔවුන් කිසිවෙකුටත් බරපතළ තුවාල සිදුවී නොමැති වුවද මෝටර් රථයට දැඩි අලාභහානි සිදුවී තිබේ. හදිසි ආපදා තත්ත්වයන් සහ අවදානම් සහගත කාලගුණික පසුබිමක් තුළ සංචාරක නීති රීති සහ පොලිස් උපදෙස් නොසලකා හරිමින් සංචාරවල නිරත වීම හේතුවෙන් මෙවැනි අනතුරු බහුලව වාර්තා වන බව ආරක්ෂක අංශ පෙන්වා දෙයි.
මෙවැනි අවදානම් සහිත සංචාර හේතුවෙන් මහජනතාව නිරන්තරයෙන් අනතුරුවලට මුහුණපාන බැවින්, අවාරයේ වන්දනා ගමන් සහ සංචාරක කටයුතු සම්බන්ධයෙන් දැඩි නියාමන ක්රමවේද අත්යවශ්ය වී ඇති බව මෙම සිදුවීම මඟින් මනාව පැහැදිලි වේ. නල්ලතන්නිය පොලීසිය විසින් මේ පිළිබඳව වැඩිදුර පරීක්ෂණ ක්රියාත්මක කර ඇති අතර, ඉදිරියේදී මෙგැනි අනතුරු වළක්වා ගැනීම සඳහා අදාළ අංශ දැඩි ආරක්ෂක පියවර ක්රියාත්මක කරනු ඇතැයි අපේක්ෂා කෙේ.
