එයාර්බස් ගුවන් යානා මිලදී ගැනීමේ සිද්ධියේදී අල්ලස් ලබාගැනීම සම්බන්ධයෙන් පාර්ලිමේන්තු මන්ත්රී නාමල් රාජපක්ෂ මහතා ඇතුළු විත්තිකරුවන්ට අදාළ නඩුව ස්ථිර ත්රිපුද්ගල මහාධිකරණ විනිසුරු මඩුල්ලක් ඉදිරියේ විභාගයට ගැනීමට නියම කරන ලෙස අල්ලස් කොමිසම මගින් අගවිනිසුරුවරයා වෙත ඉල්ලීමක් කිරීමට තීරණය කර තිබේ.
අද (13) අදාළ නඩුකරය කොළඹ මහෙස්ත්රාත් අධිකරණයේදී කැඳවූ අවස්ථාවේදී අල්ලස් කොමිසම වෙනුවෙන් පෙනී සිටි නියෝජ්ය සොලිසිටර් ජෙනරාල් ජනක බණ්ඩාර මහතා විසින් අධිකරණය හමුවේ මෙම දැනුම්දීම සිදුකර ඇත.














