රජයේ ගිණුමකින් සිදුවූ බව කියන මූල්ය වංචාව සැබෑ සයිබර් ප්රහාරයක් නොව, ව්යාජ ලේඛන සහ අත්සන් භාවිත කරමින් සිදුකළ පැහැදිලි වංචාවක් බව ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා අද (2026.04.28) චෝදනා කළේය. තංගල්ලේදී මාධ්ය වෙත අදහස් දක්වමින් ඔහු ප්රකාශ කළේ අදාළ පුද්ගලයා නිලධාරීන් අමතා කල්තියා මේ පිළිබඳව දැනුම් දී ඇති බවයි.
“හැකර් කතා කරලා නිලධාරීන්ට කියලා තියෙනවා මම දැන් ඔයාලගේ එකවුන්ට් එක හැක් කරනවා, ඒ නිසා මේ ලියුම්වලට අත්සන් කරලා එවන්න කියලා,” යනුවෙන් උපහාසාත්මකව ප්රකාශ කළ මන්ත්රීවරයා, මෙම සොරකම සඳහා අත්සන් හොරට ගසා ඇති බවට ද චෝදනා කළේය. මෙය සංකීර්ණ හැක් කිරීමක් ලෙස පෙන්වීමට උත්සාහ කරමින් රජය මහජනතාව නොමඟ යවන බවත්, මුදල් අමාත්යාංශය ඇතුළු ජ්යෙෂ්ඨ බලධාරීන් මේ පිළිබඳව වගකීම භාරගත යුතු බවත් ඔහු අවධාරණය කළේය.
මාස ගණනාවක් තිස්සේ සැකකරු පරීක්ෂණ මඟහරිමින් සිටියදී නීතිමය ක්රියාමාර්ග ගැනීම ප්රමාද වීම පිළිබඳව ද නාමල් රාජපක්ෂ මහතා ප්රශ්න කළේය. නිසි ආරක්ෂණ ක්රමවේදයන් නොමැති වුවහොත් විදේශ ප්රේෂණ සහ ආධාර ඇතුළු මහජන මුදල් අවදානමට ලක්වන බවට ඔහු අනතුරු ඇඟවීය. රජයේ ප්රසම්පාදන ක්රියාවලීන්හි අක්රමිකතා පවතින බවටත්, වංචාකරුවන්ට එරෙහිව තීරණාත්මක පියවර ගැනීමට බලධාරීන් අපොහොසත් වී ඇති බවටත් ඔහු මෙහිදී වැඩිදුරටත් චෝදනා එල්ල කළේය.
