මීගමුව බන්ධනාගාරය තුළ පෙරේදා (05) සහ අද (06) පෙරවරුවේ ඇතිවූ නොසන්සුන්කාරී තත්ත්වයන් හේතුවෙන් මේ වන විට පුද්ගලයන් 7 දෙනෙකු ජීවිතක්ෂයට පත්ව ඇති බව වාර්තා වේ. ඊයේ දිනයේදී සිදුවූ ගැටුමින් පුද්ගලයන් දෙදෙනෙකු මියගිය අතර, අද පෙරවරුවේ ඇතිවූ තත්ත්වය හේතුවෙන් තවත් පස් දෙනෙකු මියගොස් ඇතැයි පොලිස් ආරංචි මාර්ග පවසයි. මියගිය අය අතර බන්ධනාගාර නිලධාරීන් තිදෙනෙකු ද වන බව තහවුරු වී ඇත.
අද පෙරවරු 11.00 වන විට රෝහල් ගත කළ පිරිස අතර බන්ධනාගාර නිලධාරීන්, පොලිස් විශේෂ කාර්ය බලකා නිලධාරීන් සහ පොලිස් නිලධාරීන් ඇතුළු 27 දෙනෙකු සිටින අතර, සමස්තයක් ලෙස ගැටුම්වලින් තුවාල ලැබූ සංඛ්යාව 50කට ආසන්න වී තිබේ. රෝහල් ප්රකාශකයෙකු සඳහන් කළේ මියගිය අයගෙන් එක් අයෙකු රැඳවියෙකු බවත්, තවත් අයෙකු තවමත් හඳුනාගෙන නොමැති බවත්ය.
බන්ධනාගාරය තුළ තත්ත්වය පාලනය කිරීම සඳහා ආරක්ෂක අංශ විසින් දැඩි පියවර ගනිමින් සිටින අතර, තවදුරටත් නිලධාරීන් රෝහල් ගත කිරීමට නියමිත බව ද වාර්තා වේ.
