මීගමුව බන්ධනාගාරයේ ඇති වූ ප්රචණ්ඩකාරී සිද්ධිය සම්බන්ධයෙන් විධිමත් සහ පුළුල් විමර්ශනයක් සිදු කිරීම සඳහා විශේෂ කමිටුවක් පත් කිරීමට අද රැස්වූ අමාත්ය මණ්ඩලය අනුමැතිය ලබාදී තිබේ. රජයේ ප්රවෘත්ති දෙපාර්තමේන්තුව නිවේදනය කළේ, මෙම ගැටුමට හේතු වූ කරුණු සෙවීම, ගත යුතු ක්රියාමාර්ග සහ මෙවැනි සිදුවීම් යළි ඇතිවීම වැළැක්වීම සඳහා නිර්දේශ ඇතුළත් වාර්තාවක් ඉදිරිපත් කිරීම මෙම කමිටුවේ අරමුණ බවයි.
ඒ අනුව පත් කෙරුණු ත්රිපුද්ගල කමිටුවේ සභාපතිවරයා ලෙස විශ්රාමික ශ්රේෂ්ඨාධිකරණ විනිසුරු ප්රියන්ත ප්රනාන්දු මහතා කටයුතු කරන අතර, විශ්රාමික අතිරේක සොලිසිටර් ජනරාල් ජනාධිපති නීතිඥ මිලින්ද ගුණතිලක මහතා සහ ජනාධිපති නීතිඥ මොහාන් වීරකෝන් මහතා එහි සෙසු සාමාජිකයන් ලෙස කටයුතු කරති. මෙම කමිටුව විසින් සිද්ධිය පිළිබඳ සියලු කරුණු පුළුල් ලෙස විමර්ශනය කර, තම නිර්දේශ සහිත වාර්තාව කඩිනමින් රජයට ඉදිරිපත් කිරීමට නියමිතය.
