මහා ජල ගැල්මට හසුවී නේපාලයේ උමගක් තුළ සිරවී සිටි ජල විදුලි බලාගාර සේවකයන් දෙදෙනෙකු දින 8 කට පසු බේරා ගැනීමට සහන සේවකයෝ සමත්ව තිබේ. ‘ත්රිශූලි 3 ඒ’ නමැති ජලවිදුලි ව්යාපෘතියට අදාළ බලාගාරයේ සේවය කළ 30 හැවිරිදි සංජේ ෂා සහ 45 හැවිරිදි කබීර් මහාර්ජන් යන දෙදෙනා මෙලෙස මුදාගෙන ඇති බව නේපාල ස්වදේශ කටයුතු අමාත්ය සුදාන් ගුරුං මාධ්ය හමුවේ තහවුරු කර ඇත.
පසුගිය අගෝස්තු 26 වැනිදා ග්ලැසියරයක් කඩා වැටීමෙන් හටගත් මහා ජල කඳක් පහළ නිම්නය දිගේ ටිබෙටය හරහා නේපාලයට ගලා යාමෙන් මෙම ව්යසනය සිදුව තිබේ. මෙම ව්යසනයෙන් මේ වන විට පුද්ගලයන් 1,250 කට වැඩි පිරිසකගේ මළ සිරුරු සොයාගෙන ඇති අතර, තවත් 5,000 කට වැඩි පිරිසක් අතුරුදහන්ව ඇති බව පැවැසෙයි. තවත් උමං මාර්ග කිහිපයක සේවකයන් 100 කට ආසන්න පිරිසක් සිරවී සිටින බවට විශ්වාස කෙරෙන අතර, දිවි ගලවා ගැනීමේ මෙහෙයුම් තවදුරටත් ක්රියාත්මක වේ.
