ඊශ්රායල අග්රාමාත්ය බෙන්ජමින් නෙතන්යාහු, ඉරානයට එරෙහිව ඇමරිකාව සහ ඊශ්රායලය ආරම්භ කර ඇති යුද්ධයට සහාය දෙන ලෙස ලෝක නායකයන්ගෙන් අද (22) විශේෂ ඉල්ලීමක් කළේය. ඇතැම් රටවල් මේ වන විටත් සහය දීමට සූදානමින් සිටින බව පැවසූ ඔහු, ජාත්යන්තර ප්රජාව මීට වඩා පුළුල් ලෙස මෙම මැදිහත් විය යුතු බව අවධාරණය කළේය. ඉරානය සාමාන්ය වැසියන් ඉලක්ක කර ගන්නා බවට චෝදනා කළ අග්රාමාත්යවරයා, යුරෝපයට පවා දිගු දුර ප්රහාර එල්ල කිරීමේ හැකියාවක් ඉරානය සතු බව ද එහිදී ප්රකාශ කළේය.
කෙසේ වෙතත්, නෙතන්යාහුගේ මෙම ප්රකාශයට ප්රතිචාර දක්වමින් බ්රිතාන්ය රජය සඳහන් කළේ ඉරානය යුරෝපය ඉලක්ක කරන බවට හෝ එවැනි හැකියාවක් පවතින බවට කිසිදු සාක්ෂියක් නොමැති බවයි. මැදපෙරදිග කලාපයේ පවතින මෙම උණුසුම් යුද වාතාවරණය හමුවේ ලෝක නායකයින් අතර මතභේදාත්මක තත්ත්වයක් නිර්මාණය වී ඇති අතර, ඉරානයට එරෙහිව ජාත්යන්තර සන්ධානයක් ගොඩනැගීමට ඊශ්රායලය දරන උත්සාහය මේ වන විට දැඩි අවධානයට ලක්ව තිබේ.
